Rain Update / અમદાવાદમાં વહેલી સવારે ધોધમાર વરસાદ શરૂ, નીચાણવાળા વિસ્તારમાં પાણી ભરાયા

અમદાવાદ શહેરમાં વહેલી સવારે અચાનક ધોધમાર વરસાદની શરૂઆત થતાં અનેક વિસ્તારોમાં વરસાદી માહોલ જોવા મળ્યો છે. શહેરના પશ્ચિમ વિસ્તારમાં આવેલા થલતેજ, બોડકદેવ, પકવાન, શિવરંજની, પ્રહલાદનગર અને ઈસ્કોન વિસ્તારમાં ભારે વરસાદ નોંધાયો છે.

રસ્તાઓ પર પાણી ભરાયા

ભારે વરસાદને કારણે રસ્તાઓ પર પાણી ભરાવાની સ્થિતિ સર્જાઈ રહી છે. વાહનચાલકોને નાનીમોટી હાલાકીનો સામનો કરવો પડી રહ્યો છે, તો બીજી તરફ સામાન્ય જનતાએ વરસાદનો આનંદ પણ માણ્યો.

હવામાન વિભાગના પૂર્વાનુમાન મુજબ આગામી કલાકોમાં પણ વરસાદ ચાલુ રહેવાની શક્યતા છે. મહાનગર પાલિકા તંત્ર દ્વારા નિકાસ વ્યવસ્થા સુધારવા માટે તાત્કાલિક કામગીરી હાથ ધરાઈ છે.

આ પણ વાંચોઃ આજે PM મોદી ગુજરાતમાં, કરોડોના MoU, કરોડોનું ખાતમુહૂર્ત, સાથે રોડ શો પણ, જુઓ કાર્યક્રમ

અન્ય વિસ્તારોમાં વરસાદી માહોલ છવાયો

શહેરના અન્ય વિસ્તારોમાં પણ વાદળછાયું વાતાવરણ છવાયું છે અને થોડીવારમાં વધુ વિસ્તારોમાં વરસાદ ખાબકવાની શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ