મેઘમમહેર / સવારથી જ 108 તાલુકાઓમાં મેઘરાજાએ બોલાવી ધબધબાટી, સૌથી વધુ કલ્યાણપુરમાં 11 ઇંચ ખાબક્યો

સૌરાષ્ટ્રમાં શ્રીકાર વર્ષા થઇ રહી છે.. આ વખતે મેઘરાજાએ સૌરાષ્ટ્રને તરબોળ કરી દીધું છે. આજે સવારથી રાજ્યના 108 તાલુકાઓમાં વરસાદ નોંધાયો છે.

ક્લ્યાણપુરમાં 6 કલાકમાં 11 ઇંચ વરસાદ

સવારે 6થી 12 વાગ્યા સુધી કલ્યાણપુરમાં સૌથી વધુ 11 ઇંચ વરસાદ વરસાદ નોંધાયો છે.. માણાવદરમાં 6 ઇંચ, માળીયા હાટીના અને ઉપલેટામાં સવા 5 ઇંચ વરસાદ વરસાદ નોંધાયો છે. ગીર ગઢડામાં 5 ઇંચ વિસાવદરમાં 4 ઇંચ, પલસાણામાં પોણા 4 ઇંચ વરસાદ નોંધાયો છે. રાણાવાવમાં સવા 3 ઇંચ, વાપી, કેશોદ અને કામરેજમાં 3 ઇંચ વરસાદ નોંધાયો છે.

સૌરાષ્ટ્રમાં હવે વરસાદનું જોર ઘટશે

રાજ્યમાં વરસાદની સ્થિતિ અંગે હવામાન નિષ્ણાંત પરેશ ગોસ્વામીની આગાહી સામે આવી છે.. પરેશ ગોસ્વામીએ કહ્યું છે કે ''16 જુલાઇએ શરૂ થયેલો વરસાદનો રાઉન્ડ 29 જુલાઇ સુધી યથાવત રહેશે તેમણે કહ્યું કે જે વિસ્તારોમાં વરસાદ નથી થયો તે વિસ્તારોમાં પણ સારો વરસાદ જોવા મળશે'.સૌરાષ્ટ્ર પર સક્રિય સાયક્લોનિક સર્ક્યુલેશન ખસતાં હવે સૌરાષ્ટ્રમાં વરસાદનું જોર ઘટી રહ્યું છે. બંગાળની ખાડીમાં બનેલું લો પ્રેશર દક્ષિણ અને મધ્ય ગુજરાતમાં ભારે વરસાદ લાવશે. 24 જુલાઇ સુધી ભાવનગર, બોટાદ, અમરેલી અને સુરેન્દ્રનગરમાં પણ સારો વરસાદ થશે તેવી આગાહી તેમણે કરી છે.

24 જુલાઇ સુધી દક્ષિણ ગુજરાતમાં અતિભારે વરસાદની આગાહી

25થી 26 જુલાઇ વચ્ચે સૌરાષ્ટ્રમાં હળવો વરસાદ જોવા મળશે, આજથી 24 જુલાઇ સુધી દક્ષિણ ગુજરાતના જિલ્લાઓમાં ભારેથી અતિભારે વરસાદની આગાહી કરવામાં આવી છે. અમદાવાદ, ગાંધીનગર, મહીસાગર, દાહોદ અને છોટાઉદેપુરમાં 3 દિવસ સુધી ભારે વરસાદ થશે તેવી આગાહી છે. ઉત્તર ગુજરાતના તમામ જિલ્લાઓમાં 22થી 26 જુલાઇ વચ્ચે સારો વરસાદ જોવા મળશે તેવી આગાહી છે.

આ પણ વાંચોઃ આગામી 4 દિવસ ગુજરાત માટે 'અતિ ભારે', આ જિલ્લાઓમાં 10 વાગ્યા સુધીમાં એલર્ટ જાહેર

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ