સ્પોર્ટસ્ / કરિયરના પહેલા જ વર્લ્ડકપમાં સચિન-દ્રવિડના કોમ્બો ખેલાડીએ તો ઈતિહાસ રચ્યો: એક બાદ એક સેન્ચુરી ફટકારી બની ગયો નંબર-1

• ભારતીય મૂળનાં ખેલાડી રચિન રવીંદ્રની બોલબાલા
• ન્યૂઝીલેન્ડની ટીમનાં નંબર-1 ખેલાડી બન્યાં
• પહેલી જ વર્લ્ડ કપમાં બનાવ્યો જબરો રેકોર્ડ

વર્લ્ડ કપ 2023માં અનેક દિગ્ગજ ખેલાડીઓ રમી રહ્યાં છે અને કેટલાકે તો પોતાનો દબદબો કાયમ રાખ્યો છે. આ પ્લેયર્સમાં કેન વિલિયમ્સન, રોહિત શર્મા અને વિરાટ કોહલી સહિત કેટલાન નવા ખેલાડીઓ પણ શામેલ છે. પણ સચિન તેંડુલકર અને રાહુલ દ્રવિડનાં કોમ્બોએ પોતાના પહેલા વર્લ્ડકપમાં જેવી ધાક જમાવી હતી તેવું વર્ષો સુધી કોઈ ખેલાડી નથી કરી શક્યું. પણ હાલમાં ભારતીય મૂળનાં રચિન રવીંદ્રને ડેબ્યૂ વર્લ્ડ કપમાં પોતાનો જલ્વો દેખાડ્યો છે. તેમણે મેગા ઈવેંટમાં પોતાની તૃતીય સદી ફટકારી.

The team's highest ever @cricketworldcup total and second highest ODI total ever! Time to bowl in Bengaluru. Follow play LIVE in NZ with @skysportnz. LIVE scoring | https://t.co/3Nuzua3Jiu #CWC23 pic.twitter.com/B86JlS0wo9

— BLACKCAPS (@BLACKCAPS) November 4, 2023

સ્ટાર બન્યો રચિન રવીંદ્ર
રચિન રવીંદ્રનો બેટ પહેલા જ મેચથી ધૂમ મચાવી રહ્યો છે. તેમણે વર્લ્ડ કપની પોતાની પહેલી જ મેચમાં તાબડતોડ સદી ફટકારી. આ બાદ નેધરલેન્ડની સામે તેમણે અડધી સદી પૂર્ણ કરી. આ બાદ ટીમ ઈન્ડિયા કે જે આ વર્લ્ડ કપમાં બોલિંગની દ્રષ્ટિએ સૌથી ખતરનાક ટીમ બની છે તેની સામે પણ રચિને 75 રન ઠોક્યાં. દ્વિતીય સદી તેમણે ઑસ્ટ્રેલિયાની સામે ફટકારી હતી. હવે તેમણે પાકિસ્તાનની ટીમને લપેટ્યું છે. તેમણે કેન વિલિયમ્સનની સાથે મળીને 88 બોલમાં પોતાની સદી ફટકારી લીધી છે.

ન્યૂઝીલેન્ડની ટીમમાં કોઈ આ સ્કોર નથી બનાવી શક્યું
રચિન રવીંદ્ર પોતાના પહેલા જ વર્લ્ડ કપમાં ન્યૂઝીલેન્ડનાં એવા પહેલા બેટ્સમેન બની ગયાં છે કે જેમણે વર્લ્ડકપમાં ત્રણ સદી ફટકારી લીધી છે. આ પહેલા કેન વિલિયમ્સને 2019માં 2 સદી ફટકારી હતી. આ પહેલા માર્ટિન ગપ્ટિલે 2015માં અને ગ્લેન ટર્નરે 1975માં 2-2 સદી ફટકારી હતી. હવે રચિન રવીંદ્ર 3 સદી ફટકારીને પહેલા નંબર પર આવી ચૂક્યાં છે. તેમણે વર્લ્ડ કપમાં 500 રનનો આંકડો પણ પાર કરી લીધો છે.