- આર માધવન ફિલ્મ ઇન્ડસ્ટ્રીનું એક જાણીતું નામ છે
- અવારનવાર પુત્ર વેદાંત ની સિદ્ધિઓ વિશે લોકોને જણાવતા રહે છે
- માધવનનો પુત્ર ફિલ્મ ઈન્ડસ્ટ્રીથી દૂર રમતમાં સિદ્ધિઓ હાંસલ કરી રહ્યો છે
આર માધવન આ નામને દરેક લોકો જાણે છે અને એમને તેમનાની એક્ટિંગથી બૉલીવુડની સાથે એમને સાઉથ ઇન્ડસ્ટ્રીમાં પણ એક ખાસ ઓળખ બનાવી છે. માધવનના ચાહકો જાણતા હશે કે તે માત્ર એક સારા અભિનેતા જ નથી, પણ એક સારા ફેમિલી મેન અને પિતા પણ છે. નોંધનીય છે કે તેઓ હંમેશા તેમના પુત્ર વેદાંતને ખૂબ જ સમર્થન આપે છે અને અવારનવાર તેની સિદ્ધિઓ વિશે લોકોને જણાવતા રહે છે.
જણાવી દઈએ કે માધવનનો પુત્ર ફિલ્મ ઈન્ડસ્ટ્રીથી દૂર રમતમાં પોતાના કૌશલ્યથી દેશનું નામ રોશન કરી રહ્યો છે. વેદાંત સ્વિમિંગમાં માહેર છે અને તે તેમાં અનેક સિદ્ધિઓ હાંસલ કરીને તેના પિતા અને દેશને ગર્વ અપાવતો રહે છે.
જણાવી દઈએ કે વેદાંતે સ્વિમિંગ ચેમ્પિયનશિપમાં ભારત માટે પાંચ ગોલ્ડ મેડલ જીત્યા છે. આર માધવને આ સિદ્ધિ બદલ તેમના પુત્રને અભિનંદન આપતા સોશિયલ મીડિયા પર એક પોસ્ટ શેર કરી છ જેમાં તેને જણાવ્યું હતું કે વેદાંતે તાજેતરમાં મલેશિયા ઇન્વિટેશનલ એજ ગ્રુપ સ્વિમિંગ ચેમ્પિયનશિપમાં ભાગ લીધો હતો જેમાં તે જીત્યો હતો. 'ભગવાનની કૃપા અને તમારા બધાની શુભેચ્છાઓ સાથે, વેદાંતે ભારત માટે પાંચ ગોલ્ડ (50 મીટર, 100 મીટર, 200 મીટર, 400 મીટર અને 1500 મીટરમાં) બે પીબી મેળવ્યા. આ ઇવેંટ મલેશિયા ઇન્વિટેશનલ એજ ગ્રુપ સ્વિમિંગ ચૅમ્પિયનશિપ 2023માં આ અઠવાડિયે કુઆલાલંપુરમાં યોજાઈ હતી. '
નોંધનીય છે કે પિતા આર માધવને શેર કરેલી તસવીરોમાં વેદાંત ભારતના રાષ્ટ્રધ્વજ અને પાંચ ગોલ્ડ મેડલ સાથે પોઝ આપતો જોવા મળ્યો હતો તો બીજા ફોટોમાં તે તેની માતા સરિતા બિર્જે સાથે જોવા મળી રહ્યો છે. આર માધવનના વર્ક ફ્રન્ટની વાત કરીએ તો તેને તાજેતરમાં જ ફિલ્મ 'રોકેટરી' અને 'ધોખા'માં જોવા મળ્યો હતો. તેની આગામી ફિલ્મોની યાદી પણ ઘણી લાંબી છે.
