IPL 2023 / પંજાબના આ પ્લેયરે તોડ્યો લસિથ મલિંગાનો રેકોર્ડ, બન્યો IPLમાં સૌથી ઝડપી 100 વિકેટ લેનાર ફાસ્ટ બોલર

• IPL નો અત્યાર સુધીનો એક મોટો રેકોર્ડ તૂટી ગયો
• રબાડા આઈપીએલમાં સૌથી ઝડપી 100 વિકેટ લેનારો બોલર બની ગયો
• રબાડાએ લસિથ મલિંગાને પાછળ છોડી દીધો

IPL નો અત્યાર સુધીનો એક મોટો રેકોર્ડ તૂટી ગયો છે. જણાવી દઈએ કેઆ કમાલ IPL 2023 ની 18મી મેચમાં થયો હતો જેમાં પંજાબ કિંગ્સ અને ગુજરાત ટાઇટન્સની ટીમો આમને સામને હતી. આ મેચમાં ગુજરાતે પંજાબને એક બોલ પહેલા 6 વિકેટે હરાવ્યું હતું. ગઇકાલની આ મેચમાં પંજાબ કિંગ્સની બેટિંગ અને બોલિંગ બંને ફ્લોપ રહી હતી જો કે આ દરમિયાન પંજાબના બોલર કાગીસો રબાડાએ IPLનો મોટો રેકોર્ડ તોડીને ઇતિહાસ રચ્યો છે.

જણાવી દઈએ કે રબાડાએ ગુજરાતના વિકેટકીપર બેટ્સમેન ઋદ્ધિમાન સાહાની વિકેટ લીધી હતી અને આ સાથે જ તેની આઈપીએલમાં 100 વિકેટ પણ પૂરી થઈ ગઈ છે. ગઇકાલની લીધેલ વિકેટ બાદ રબાડા આઈપીએલમાં સૌથી ઝડપી 100 વિકેટ લેનારો બોલર બની ગયો છે. નોંધનીય છે કે 64 મેચમાં પોતાની 100 વિકેટ પૂરી કરી. આ સાથે જ રબાડાએ લસિથ મલિંગાને પાછળ છોડી દીધો છે.

𝐴𝑎𝑡𝑒 ℎ𝑖 𝑑𝑖𝑙 𝑘ℎ𝑢𝑠ℎ 𝑘𝑎𝑟 𝑑𝑖𝑡𝑡𝑎, Rabada veere! 🙌

Kagiso Rabada is 🔙 with pace 🔥 as he brings up a 💯 wickets in #TATAIPL✨#PBKSvGT #IPLonJioCinema #IPL2023 | @KagisoRabada25 @PunjabKingsIPL pic.twitter.com/vnXHyt3quI

— JioCinema (@JioCinema) April 13, 2023

મહત્વનું છે કે મલિંગાએ 70 મેચમાં 100 વિકેટ લીધી હતી અને તેને આ કમાલ 2013 માં કર્યો હતો. જો કે હવે 10 વર્ષ બાદ તેનો રેકોર્ડ તૂટી ગયો છે. જણાવી દઈએ કે રબાડા માત્ર મેચોની દ્રષ્ટિએ જ સૌથી ઝડપી 100 વિકેટો સુધી નથી પંહોચ્યો પણ તે બોલની ગણતરી એ પણ સૌથી આગળ છે. રાબડાએ વિકેટ લેવા માટે ઓછામાં ઓછી 1438 બોલનો ઉપયોગ કર્યો છે. આ સિવાય ડ્વેન બ્રાવો સૌથી ઓછા બોલમાં આઈપીએલની 100 વિકેટ લેનારો બીજો બોલર છે . બ્રાવોએ 1619 બોલમાં 100 વિકેટ લીધી છે.