- પૃથ્વી શૉ હાલ ટીમ ઈન્ડિયાની બહાર ચાલી રહ્યો છે
- હાલ શૉએ ઈન્સ્ટાગ્રામ સ્ટોરી પોસ્ટ કરી અને મેસેજ લખ્યો છે
- નીચે આવવાનું શરૂ કરો ત્યારે લોકો તમારો હાથ છોડી દે
Prithvi Shaw Instagram Story: બેટ્સમેન પૃથ્વી શૉ હાલ ટીમ ઈન્ડિયાની બહાર ચાલી રહ્યો છે. સતત અવગણના કર્યા પછી અંતે તે ઇંગ્લેન્ડ તરફ વળ્યો અને રોયલ લંડન વન ડે કપમાં ભાગ લીધો. પણ ત્યાં થયું એવું કે 2 સદી ફટકાર્યા બાદ તે ઈજાગ્રસ્ત થઈ ગયો અને તેને ટૂર્નામેન્ટમાંથી બહાર થવું પડ્યું. ડરહમ સામેની મેચમાં પૃથ્વી શોને ઈજા થઈ હતી. હવે ઈજા બાદ તેણે ઈન્સ્ટાગ્રામ સ્ટોરી પોસ્ટ કરી અને મેસેજ લખ્યો છે.
નીચે આવવાનું શરૂ કરો ત્યારે લોકો તમારો હાથ છોડી દે
ઈન્સ્ટાગ્રામ પર સ્ટોરી પોસ્ટ કરતા પૃથ્વી શૉએ લખ્યું, “જ્યારે તમે તમારા જીવનમાં આગળ વધો છો ત્યારે લોકો તમને મદદ કરે છે પરંતુ જ્યારે તમે તમારા જીવનમાં નીચે આવવાનું શરૂ કરો છો, ત્યારે તે તમારો હાથ છોડી દે છે. ' જો કે શૉએ આવી સ્ટોરી શા માટે લગાવી તે જાણી શકાયું નથી. ' જો કે તે ઘણીવાર આવી સ્ટોરી પોસ્ટ કરને સિલેક્ટર્સનું ધ્યાન તેની તરફ આકર્ષિત કરવાનો પ્રયાસ કરે છે.
અર્જુન તેંડુલકરે કરી હતી પૃથ્વી શૉ માટે પોસ્ટ
થોડા દિવસો પહેલા સચિન તેંડુલકરના પુત્ર અર્જુન તેંડુલકરે સોશિયલ મીડિયા પર શો માટે કંઈક પોસ્ટ કર્યું હતું. વાસ્તવમાં, પૃથ્વી શૉ સાથે એક ફોટો પોસ્ટ કરતા તેણે લખ્યું, "મારા મિત્ર સ્વસ્થ રહો. તમે જલ્દી સાજા થઈ જાઓ એવી પ્રાથના કરું છું.' અર્જુને તેની પોસ્ટમાં પૃથ્વી શૉ સાથેની બાળપણની તસવીર લગાવી હતી. એ સમયે આ પોસ્ટ સોશિયલ મીડિયા પર ખૂબ જ ઝડપથી વાયરલ થઈ હતી.
ઈંગ્લેન્ડમાં કર્યું શાનદાર પ્રદર્શન
પૃથ્વી શૉએ રોયલ લંડન વર્લ્ડ કપમાં 4 ઇનિંગ્સમાં 143ની એવરેજથી કુલ 429 રન બનાવ્યા હતા. જેમાં 2 સદી પણ સામેલ હતી. ડરહામ સામેની મેચ રમતી વખતે તેને ઘૂંટણમાં ઈજા થઈ હતી. જે બાદ તે ટૂર્નામેન્ટમાંથી બહાર થઈ ગયો હતો. જણાવી દઈએ એક શૉએ ટીમ ઈન્ડિયા માટે 5 ટેસ્ટ, 6 વનડે અને 1 ટી20 મેચમાં અનુક્રમે 339, 189 અને 0 રન બનાવ્યા છે. શૉ ભારત માટે અત્યાર સુધી માત્ર 1 ટી20 રમી શક્યો છે.
