- પીએમ મોદીએ એરો ઈન્ડિયા 2023ની 14મી આવૃત્તિનું ઉદ્ઘાટન કર્યું
- નવી ઊંચાઈ એ નવા ભારતનું ચિત્ર છે.- પીએમ મોદી
- સંરક્ષણ ક્ષેત્રે થોડા વર્ષોમાં લાંબી સફર કવર કરી - રાજનાથ સિંહ
Aero India Show 2023 In Bengaluru: પ્રધાનમંત્રી નરેન્દ્ર મોદીએ આજે બેંગલુરુમાં યેલહંકાના એરફોર્સ સ્ટેશન ખાતે એરો ઈન્ડિયા 2023ની 14મી આવૃત્તિનું ઉદ્ઘાટન કર્યું છે. આ સમયે પીએમ મોદીએ કહ્યું કે 'નવી ઊંચાઈ એ નવા ભારતનું ચિત્ર છે. આ ઘટના ભારતના વધતા વ્યાપનું ચિત્ર છે.'
બેંગલુરુમાં એરો ઈન્ડિયા 2023નું ઉદ્ઘાટન કરતી વખતે વડાપ્રધાન નરેન્દ્ર મોદીએ કહ્યું કે, ' આ 21મી સદીનું નવું ભારત, હવે ન તો કોઈ તક ગુમાવશે અને ન તો મહેનતમાં કોઇ કમી દેખાડે. એરો ઈન્ડિયાનો 2023નો શો ભારતની વિકાસ ગાથાનું ઉદાહરણ છે. આ વર્ષના એરો ઈન્ડિયા શોમાં લગભગ 100 દેશોની હાજરી જ દર્શાવે છે કે ભારત પર વિશ્વનો વિશ્વાસ વધ્યો, ભારત અને વિશ્વના 700થી વધુ પ્રદર્શકો ભાગ લઈ રહ્યાં છે. જેને ભૂતકાળના તમામ રેકોર્ડ તોડી નાખ્યા છે. 100 થી વધુ દેશોની ભાગીદારી ન્યૂ ઈન્ડિયામાં વિશ્વની શ્રદ્ધા દર્શાવે છે.
સંરક્ષણ ક્ષેત્રે થોડા વર્ષોમાં લાંબી સફર કવર કરી - રાજનાથ સિંહ
એરો ઈન્ડિયા 2023ની 14મી આવૃત્તિમાં રક્ષા મંત્રી રાજનાથ સિંહે કહ્યું કે, આપણે સંરક્ષણ ક્ષેત્રે થોડા વર્ષોમાં ઘણો લાંબો રસ્તો કવર કર્યો છે. આ સફરમાં સંરક્ષણ ક્ષેત્રે સફળતાના ઘણા તબક્કાઓ પાર કર્યા છે, જે ભવિષ્યમાં તાકાતના આધારસ્તંભ બની ગયા છે. એરો ઈન્ડિયા પણ તે સ્તંભોમાંથી એક છે.
નોંધનીય છે કે કર્ણાટકના બેંગલુરુમાં એરો ઈન્ડિયા 2023ના ઉદઘાટન સમારોહમાં ફ્લાયપાસ્ટ દરમિયાન એર ચીફ માર્શલ વીઆર ચૌધરી ગુરુકુલ રચનાનું નેતૃત્વ કરશે.
'એરો ઈન્ડિયા' સૈન્ય વિમાન, હેલિકોપ્ટર, રક્ષા સાધનો અને નવા યુગના એવિયોનિક્સના ઉત્પાદનના ઉભરતા કેન્દ્ર રૂપે દર્શાવશે. અધિકારીઓના જણાવ્યા અનુસાર, બેંગલુરુની બહારના વિસ્તારમાં વાયુસેનાના યેલાહંકા સૈન્ય મથકના પરિસરમાં પાંચ દિવસીય પ્રદર્શનમાં 98 દેશોની 809 સંરક્ષણ કંપનીઓ અને પ્રતિનિધિઓ ભાગ લેશે.
