Breaking News / PM મોદીના ભાઈ પ્રહલાદ મોદી ચેન્નાઈની હોસ્પિટલમાં દાખલ, કિડની સાથે જોડાયેલી બીમારીના કારણે સારવાર હેઠળ

 

• PM મોદીના ભાઈ પ્રહલાદ મોદીની તબિયત નાદુરસ્ત
• ચેન્નાઈની અપોલો હોસ્પિટલમાં દાખલ કરાયા
• કિડની સંબંધિત સમસ્યાને કારણે હોસ્પિટલમાં સારવાર હેઠળ 

વડાપ્રધાન નરેન્દ્ર મોદીના નાનાભાઈ પ્રહલાદ મોદીને ચેન્નાઈની એપોલો હોસ્પિટલમાં દાખલ કરવામાં આવ્યા છે. પ્રાથમિક માહિતી મુજબ, પ્રહલાદ મોદીને કિડની સંબંધિત સમસ્યાને કારણે હોસ્પિટલમાં દાખલ કરવામાં આવ્યા છે. વડાપ્રધાન નરેન્દ્ર મોદીના 5 ભાઈ-બહેન છે જેમાં પ્રહલાદ મોદી ચોથા સ્થાને આવે છે. પ્રહલાદ મોદી અમદાવાદમાં કરિયાણાની દુકાન ચલાવે છે, સાથે જ તેમનો શહેરમાં ટાયરનો શોરૂમ પણ છે. 

BREAKING | PM મોદીના ભાઈ પ્રહલાદ મોદી ચેન્નાઈની અપોલો હોસ્પિટલમાં દાખલ, હાલમાં ચાલી રહી છે કિડની સંબંધી સારવાર#Pmmodi #Prahladmodi #Chennai #AppoloHospitsal #VTVGujarati pic.twitter.com/z9u7CmpzfY

— VTV Gujarati News and Beyond (@VtvGujarati) February 28, 2023

પીએમના સૌથી મોટા ભાઈ છે સોમાભાઈ મોદી
પીએમ મોદીની એક બહેન અને 4 ભાઈ છે. સોમાભાઈ મોદી, અમૃતભાઈ મોદી, પંકજભાઈ મોદી, પ્રહલાદભાઈ મોદી અને બહેન વાસંતીબેન મોદી. સોમાભાઈ મોદી પીએમના સૌથી મોટા ભાઈ છે, જેઓ આરોગ્ય વિભાગમાંથી નિવૃત્ત થયા છે. હાલ તેઓ અમદાવાદમાં ઓલ્ડ એજ હોમ (વૃદ્ધાશ્રમ) ચલાવે છે.

અમૃત મોદી ખાનગી કંપનીમાં કરતા હતા કામ
પીએમ મોદીના બીજા મોટા ભાઈનું નામ અમૃત મોદી છે. તેઓ એક ખાનગી કંપનીમાં મશીન ઓપરેટર તરીકે કામ કરતા હતા, જેઓ હવે રિટાયરમેન્ટ બાદ અમદાવાદમાં તેમના પરિવારના સભ્યો સાથે નિવૃત્ત જીવન જીવી રહ્યા છે. 

પંકજભાઈ છે પીએમ મોદીના સૌથી નાનાભાઈ
પીએમ મોદી તેમના ભાઈ-બહેનોમાં ત્રીજા નંબરે છે. પીએમ પોતાનું જીવન દેશના નામે સમર્પિત કરીને સેવામાં લાગેલા છે. તો ચોથા સ્થાને પ્રહલાદ મોદી છે, જેઓને કિડની સંબંધિત સમસ્યાઓના કારણે હોસ્પિટલમાં દાખલ કરવામાં આવ્યા છે. પંકજ મોદી પીએમ મોદીના સૌથી નાના ભાઈ છે. પંકજભાઈ તેની પત્ની સાથે ગાંધીનગરમાં રહે છે. પંકજભાઈ માહિતી વિભાગમાં નોકરી કરે છે. વડાપ્રધાન નરેન્દ્ર મોદીના માતા પંકજભાઈ મોદી સાથે રહેતા હતા. આ સિવાય પીએમ મોદીના બહેન પરિણીત છે અને ગૃહિણી છે.