વિશ્વ / ફિલિપાઈન્સમાં કુદરતનો પ્રકોપ: શક્તિશાળી ભૂકંપે મચાવી ભારે તબાહી, 80 થી વધુ લોકોના મોત

દક્ષિણ ફિલિપાઈન્સમાં આ મહિનાની શરૂઆતમાં પ્રકૃતિનો પ્રકોપ જોવા મળ્યો છે. અહીં આવેલા એક અત્યંત વિનાશક અને શક્તિશાળી ભૂકંપના કારણે વ્યાપક સ્તરે જાનમાલનું મોટું નુકસાન થયું છે. આ કુદરતી આપદાએ ફિલિપાઈન્સના મિંડાનાઓના અનેક વિસ્તારોને સંપૂર્ણપણે બરબાદ કરી દીધા છે. ભૂકંપના આંચકા એટલા તીવ્ર હતા કે મિંડાનાઓમાં મોટી મોટી ઈમારતો અને મકાનો ધરાશાયી થઈ ગયા હતા. આ કરુણ દુર્ઘટનામાં અત્યાર સુધીમાં 80 થી વધુ લોકોના મોતના સત્તાવાર સમાચાર સામે આવ્યા છે, જ્યારે અનેક લોકો ઘાયલ થયા હોવાની આશંકા છે.

દહેશતનો માહોલ અને સતત આંચકા

આ વિનાશક ભૂકંપે સમગ્ર વિસ્તારને હચમચાવી દીધો છે. સ્થાનિક લોકો હજુ તો આ ભયાનક આપત્તિ અને અપપ્રિય ઘટનાના સદમા તેમજ આઘાતમાંથી માંડ બહાર આવી રહ્યા હતા, ત્યાં ફરી એકવાર ભૂકંપના નવા ઝટકાએ સ્થાનિક રહેવાસીઓની ચિંતા વધારી દીધી છે. વારંવાર આવી રહેલા આ આંચકાઓને કારણે સમગ્ર મિંડાનાઓ પંથકમાં ભારે અફરાતફરી અને દહેશતનો માહોલ જોવા મળી રહ્યો છે. લોકો પોતાના ઘરની બહાર ખુલ્લા મેદાનમાં રહેવા માટે મજબૂર બન્યા છે.

આ પણ વાંચો : નવા સીમાંકન બાદ લોકસભાની બેઠકો વધીને 40, વિધાનસભાની બેઠકો 273 થઈ શકે છે, 10 મતવિસ્તારોનું વિભાજન થઈ શકે

બચાવ કામગીરી અને વહીવટી તંત્ર એલર્ટ

ઈમારતો ધરાશાયી થવાને કારણે કાટમાળ નીચે હજુ પણ કેટલાક લોકો દબાયા હોવાની આશંકા સેવાઈ રહી છે, જેને પગલે સ્થાનિક વહીવટી તંત્ર અને ડિઝાસ્ટર મેનેજમેન્ટની ટીમો દ્વારા યુદ્ધના ધોરણે રાહત અને બચાવ કામગીરી હાથ ધરવામાં આવી છે. અસરગ્રસ્ત વિસ્તારોમાં મેડિકલ હેલ્પ અને જીવનજરૂરી ચીજવસ્તુઓ પહોંચાડવાના પ્રયાસો કરવામાં આવી રહ્યા છે. સરકારે લોકોને ગભરાવાને બદલે સાવચેતી રાખવા અને સુરક્ષિત સ્થળો પર રહેવાની અપીલ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ