વડોદરામાં કાફેની આડમાં ચાલતા કપલબોક્સ પર પોલીસે ફરી એકવાર દરોડા પાડ્યા છે. સપ્તગીરી ફલેટમાં ચાલી રહેલા કપલ બોક્ષ પર એકાએક વડોદરા પોલીસે દરોડા પાડ્યા હતા ત્યાર બાદ કાર્યવાહીનો ધમધમાટ શરૂ કર્યો છે. કાફેમાં કેટલાક લોકો શંકાસ્પદ હાલતમાં મળી આવ્યાની પણ ચર્ચા છે.
કપલ બોક્સની ફાઈલ તસવીર
કાફેના મેનેજર સોહિલ અજમેરીની ધરપકડ
વડોદરામાં સપ્તગીરી ફ્લેટમાં ચાલી રહેલા કપલ બોક્ષ પર પોલીસે દરોડા પાડી કાફે મેનેજરને દોબીચી લીધો છે. અત્રે જણાવીએ કે, માનવ તસ્કરી વિરોધી ખાતાએ ધમધમતા કપલબોક્ષનો વેપલો ઝડપી પાડ્યો છે. નિલોફર શેખ અને રૂપલબેન સોની કાફેના માલિક હોવાનો પણ મહત્વનો ખુલાસો થયો છે. પોલીસે કાફેના મેનેજર સોહિલ અજમેરીની ધરપકડ કરી છે તેમજ કાફેના માલિકની શોધખોળ હાથ ધરી છે
કપલ બોક્સની ફાઈલ તસવીર
કપલ બોક્ષ એક મોટો દુષણ
શહેરમાં ધમધમી રહેલા આ કપલ બોક્સથી લોકો પરેશાની ભોગવતા હોય છે. તમને જણાવી દઈએ કે પોલીસ અને ક્રાઈમ બ્રાન્ચ અવાર-નવાર પ્રાથમિક માહિતીના આધારે આવા કપલ બોક્ષ પર રેડ પણ પાડતી હોય છે. ઉલ્લેખનીય છે કે, કપલબોક્ષના કારણે યૌનશોષણની ઘટનાઓ પણ વધી રહી છે. સુરતમાં ગ્રીષ્માની હત્યા કરનાર ફેનિલ પણ કપલબોક્ષ ચલાવતો હતો.
શુ હોય છે કપલ બોક્ષ
મહત્વનું છે કે રાજ્યના વિવિધ શહેરમાં કપલ બોક્સ પોલીસ માટે મોટો પડકાર બનતો હોય તેવા અનેકવાર કિસ્સાઓ સામે આવતા હોય છે. અનેક સ્થળે કોફી કાફેનું બોર્ડ મારી કપલ બોક્સ ચલાવવામાં આવતું હોય છે. અહી કલાકોના કલાકો સુધી યુવક યુવતીઓ પૈસા આપી બોકસનો ગોરખધંધા માટે ઉપયોગ કરતાં હોય છે. આ ફૂલિ ફાલેલા કપલબોક્સમાં સોફા, ગાદલા, તકિયા, ફેનની વ્યવસ્થા આપવામાં આવે છે તેમજ સુવિધા અનુસાર લગભગ 1 કલાકનું 300 થી 600 રૂપિયા ભાડું વસૂલવામાં આવતું હોય છે. તમને જણાવી દઈએ કે, પોલીસે અનેકવાર રેડ કરી કપલ બોક્સને શીલ પણ કરતી હોય છે.
