કાર્યવાહી / RBIને બોમ્બથી ઉડાવી દેવાની ધમકી મામલે 3 શખ્સોની વડોદરાથી અટકાયત, મુંબઈના 11 સ્થળોએ બ્લાસ્ટ કરવાનો કર્યો હતો મેઇલ

• RBIને બોમ્બથી ઉડાવવાની ધમકી મામલે વડોદરામાં કાર્યવાહી
• વડોદરામાંથી 3 યુવકોની પોલીસે કરી અટકાયત
• પાદરામાંથી 1 અને પાણીગેટમાંથી 2 યુવકોની અટકાયત કરાઈ

મુંબઈ સ્થિત રિઝર્વ બેંક ઓફ ઈન્ડિયાની ઓફિસને  બોમ્બથી ઉડાવી દેવાની ધમકી મામલે કાર્યવાહી કરવામાં આવી છે. જે ધમકી કેસના તાર ગુજરાતમાં ખુલ્યા છે. અત્રે જણાવીએ કે, RBIને બોમ્બથી ઉડાવવાની ધમકી મામલે વડોદરામાં કાર્યવાહી કરવામાં આવી છે.

3 યુવકોની પોલીસે અટકાયત કરી 
અત્રે જણાવીએ કે, વડોદરામાંથી 3 યુવકોની પોલીસે અટકાયત કરી છે. પાદરામાંથી 1 અને પાણીગેટમાંથી 2 યુવકોની અટકાયત કરવામાં આવી છે. મુંબઈ ક્રાઈમ બ્રાંચ અને મહારાષ્ટ્ર ATSનું સંયુક્ત ઓપરેશન હાથ ધરવામાં આવ્યું હતું. ઉલ્લેખનીય છે કે, મુંબઈમાં 11 સ્થળોને બોમ્બથી ઉડાવવાની ધમકી આપી હતી 

જાણો સમગ્ર મામલો
મુંબઈ સ્થિત રિઝર્વ બેંક ઓફ ઈન્ડિયાની ઓફિસને બોમ્બથી ઉડાવી દેવાની ધમકી મળતા સુરક્ષા એજન્સી દોડતી થઈ ગઈ હતી. એક ઈ-મેઈલ દ્વારા બોમ્બથી ઉડાવી દેવાની ધમકી આપવામાં આવી હતી. જેમાં RBI ગવર્નર શક્તિકાંત દાસ અને કેન્દ્રીય નાણામંત્રી નિર્મલા સીતારમણના રાજીનામાની માગ કરવામાં આવી હતી.. RBI ઓફિસ ઉપરાંત HDFC બેંક અને ICICI બેંક સહિત 11 સ્થળોને બોમ્બ બ્લાસ્ટ કરીને ઉડાવી દેવાની ધમકી આપવામાં આવી હતી. આ તમામ સ્થળો પર પોલીસે સર્ચ ઓપરેશન હાથ ધર્યું હતું પરંતુ કંઈ વાંધાજનક મળ્યું ન હતું. આ મામલે એમઆર માર્ગ પોલીસ સ્ટેશનમાં કેસ દાખલ કરીને તપાસ હાથ ધરવામાં આવી હતી. જે બાદ મુંબઈ ક્રાઈમ બ્રાંચ અને મહારાષ્ટ્ર ATSએ સમગ્ર મામલે તપાસ હાથ ધરી હતી