ખેડા / BSFના જવાનની હત્યાનો આરોપી બરાબરનો ફસાયો, પોલીસે હવે કરી બીજી મોટી કાર્યવાહી

• BSF જવાનની હત્યાનો મામલો
• પોલીસે બીજી ફરિયાદ કરી દાખલ
• આરોપી શૈલેષ જાદવ વિરુદ્ધ ફરિયાદ

ખેડામાં BSF જવાનની હત્યા મામલે પોલીસે બીજી ફરીયાદ દાખલ કરી છે. BSF જવાનની પુત્રીનો વીડિયો બનાવનાર અંગે આરોપી શૈલેષ જાદવ વિરૂદ્ધ ફરીયાદ નોંધાઇ છે. સમગ્ર મામલે આરોપી શૈલેષ જાદવ ફરાર છે

BSFના ઉચ્ચ અધીકારીઓ ચકલાસી પહોચ્યા
ખેડામાં BSF જવાનની હત્યા કેસમાં BSFના ઉચ્ચ અધીકારીઓ ચકલાસી પહોચ્યા હતાં. મૃતકના પરિવારજનોને મળીને સંવેદના વ્યક્ત કરી છે. પરિવાજનો સાથે વાતચીત કરીને ઘટનાનો તાગ મેળવ્યો છે. BSF અધિકારીઓએ મૃતક જવાનના પત્ની અને પુત્ર સાથે મુલાકાત કરી છે.

વીડિયો મામલે આરોપીના ઘરે ઠપકો આપવા જતા મામલો બિચક્યો
મળતી માહિતી અનુસાર, BSF જવાન મેલાજી વાઘેલા જેમનું પોસ્ટિંગ મહેસાણા જિલ્લામાં હતું. જ્યાંથી તેમની બદલી થતાં રાજસ્થાન તેમને ડ્યુટી જોઈન્ટ કરવા માટે જવાનું હતું . પરંતુ આ વચ્ચે 15 દિવસની રજા લઈ પોતાના વતન આવેલા મેલાજી વાઘેલાને ખબર પડી કે પોતાની સગીર વયની દીકરીનો વીડિયો કોઈ વનીપુરા ગામના શૈલેષ નામના યુવક દ્વારા વાયરલ કરવામાં આવ્યો છે.

BSF જવાને સમજાવવા કર્યો હતો પ્રયાસ
જે બાદ મેલાજી વાઘેલા તેમનો પુત્ર નવદીપ અને તેમની પત્ની મંજુલાબેન વીડિયો વાયરલ કરેલા યુવકને ઠપકો આપવા માટે તેમના ઘરે પહોંચ્યા હતા. આ દરમિયાન વીડિયો વાયરલ કરેલા યુવકના પરિવારજનો દ્વારા મેલાજી વાઘેલા તેમની પત્ની અને તેમના પુત્ર ઉપર લાકડીઓ અને તલવારો દ્વારા જીવલેણ હુમલો કરવામાં આવ્યો હતો. જેમાં ઠપકો  આપવા પહોંચેલા મેલાજી વાઘેલા અને તેમના પુત્રને ગંભીર ઇજાઓ પહોંચી હતી જ્યારે તેમની પત્ની મંજુલાબેનને નાની મોટી ઇજાઓ પહોંચતા 108 દ્વારા તેમને નડિયાદ સિવિલ હોસ્પિટલ ખસેડવામાં આવ્યા હતા