નિવેદન / PM મોદીએ કોંગ્રેસ પર સાધ્યું નિશાન, કહ્યું, ભારતની એકતા-અખંડિતતાને કમજોર કરી

Lok Sabha Election 2024 : લોકસભા ચૂંટણીના પડઘમ વચ્ચે PM મોદીએ ફરી એકવાર કોંગ્રેસ પર નિશાન સાધ્યું છે. વાત જાણે એમ છે કે, PM મોદીએ રવિવારે શ્રીલંકાને કચ્ચાંતિવું ટાપુ સોંપવાના નિર્ણય પર કોંગ્રેસ પર નિશાન સાધ્યું અને પાર્ટી પર દેશની અખંડિતતા અને હિતોને નબળા પાડવાનો આરોપ લગાવ્યો.

વાસ્તવમાં PM મોદીની આ પ્રતિક્રિયા માહિતી અધિકાર (RTI) રિપોર્ટ બાદ આવી છે. જેમાં એ વાતનો ખુલાસો થયો છે કે, કેવી રીતે તત્કાલિન વડાપ્રધાન ઈન્દિરા ગાંધીના નેતૃત્વવાળી કોંગ્રેસ સરકારે 1974માં શ્રીલંકાને કચ્ચાંતિવું ટાપુ સોંપ્યો હતો. PM મોદીએ આ ખુલાસાને લઈને કોંગ્રેસ સરકારને ઘેરી છે. PM મોદીએ RTI રિપોર્ટને આંખ ખોલનારો અને ચોંકાવનારો રિપોર્ટ ગણાવ્યો છે. તેમણે કહ્યું કે, લોકો કોંગ્રેસના આ પગલાથી ખૂબ નારાજ છે. કોંગ્રેસ પર ક્યારેય વિશ્વાસ કરી શકાય નહીં.

 

Eye opening and startling!

New facts reveal how Congress callously gave away #Katchatheevu.

This has angered every Indian and reaffirmed in people’s minds- we can’t ever trust Congress!

Weakening India’s unity, integrity and interests has been Congress’ way of working for…

— Narendra Modi (@narendramodi) March 31, 2024

PM મોદીએ પોસ્ટ સોશિયલ મીડિયા પર કરી શેર
PM મોદીએ પોતાના સોશિયલ મીડિયા પર એક પોસ્ટ શેર કરીને કોંગ્રેસ પર નિશાન સાધ્યું છે. PM મોદીએ લખ્યું છે કે, નવી હકીકતો દર્શાવે છે કે, કોંગ્રેસે કેવી રીતે ક્રૂરતાપૂર્વક કચ્ચાંતિવુંને આપી દીધું. દરેક ભારતીય આનાથી નારાજ છે અને લોકોના મનમાં ફરી એકવાર એ વાતની પુષ્ટિ થઈ ગઈ છે કે અમે કોંગ્રેસ પર ક્યારેય વિશ્વાસ કરી શકતા નથી. ભારતની એકતા, અખંડિતતા અને હિતોને નુકસાન પહોંચાડવું એ 75 વર્ષથી કોંગ્રેસની મોડસ ઓપરેન્ડી રહી છે.

 

Slow claps for Congress!
They willingly gave up #Katchatheevu and had no regrets about it either. Sometimes an MP of the Congress speaks about dividing the nation and sometimes they denigrate Indian culture and traditions. This shows that they are against the unity and integrity…

— Amit Shah (Modi Ka Parivar) (@AmitShah) March 31, 2024

કોંગ્રેસ ભારતની એકતા અને અખંડિતતાની વિરુદ્ધ
આ સાથે જ ગૃહમંત્રી અમિત શાહે પણ કોંગ્રેસને આડે હાથ લીધી હતી. તેણે સોશિયલ મીડિયા પર એક પોસ્ટ પણ શેર કરી છે. જેના કેપ્શનમાં તેમણે લખ્યું છે કે, તેમણે સ્વેચ્છાએ #Katchatheevu છોડી દીધું છે અને આ અંગે તેમને કોઈ અફસોસ નથી. તેમણે આગળ લખ્યું કે, ક્યારેક કોંગ્રેસના સાંસદ દેશના ભાગલાની વાત કરે છે તો ક્યારેક ભારતીય સંસ્કૃતિ અને પરંપરાઓને બદનામ કરે છે. આ દર્શાવે છે કે, તે ભારતની એકતા અને અખંડિતતાની વિરુદ્ધ છે. તેઓ ફક્ત આપણા દેશના ભાગલા કરવા અથવા તોડવા માંગે છે.

વધુ વાંચો: જમીન સંબંધિત કૌભાંડમાં EDની મોટી કાર્યવાહી, હેમંત સોરેન અને તેના સહયોગીઓ વિરુદ્ધ ફરિયાદ દાખલ

તમને જણાવી દઈએ કે કચ્ચાંતિવું દ્વીપ એ સ્થાન છે જ્યાં તમિલનાડુના રામેશ્વરમ જેવા જિલ્લાના માછીમારો જાય છે કારણ કે ભારતીય જળસીમામાં માછલીઓ ખતમ થઈ ગઈ છે. માછીમારો ટાપુ પર પહોંચવા માટે ઇન્ટરનેશનલ મેરીટાઇમ બાઉન્ડ્રી લાઇન (IMBL) ઓળંગે છે પરંતુ શ્રીલંકાની નૌકાદળ દ્વારા તેમની અટકાયત કરવામાં આવે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો