લોકસભા ચૂંટણી 2024 / 'જે પણ થયું તે મારા સિદ્ધાંત વિરુદ્ધનું થયું' ધાર્મિક-અલ્પેશના ભાજપમાં જોડાવાને લઇ કુમાર કાનાણીનું નિવેદન

લોકસભા ચૂંટણી જાહેર થતાની સાથે જ ભાજપમાં ભરતી મેળો જામતો હોય છે. ત્યારે થોડા સમય પહેલા જ સુરતનાં બંને પાટીદાર યુવા નેતાઓ અચાનક જ આમ આદમી પાર્ટીમાંથી રાજીનામું આપ્યા બાદ નાટકીય ઢબે ભાજપ પ્રદેશ પ્રમુખ સી.આર. પાટીલનાં હસ્તે ભાજપનો ખેસ ધારણ કર્યો હતો. બંને યુવા પાટીદાર નેતાઓ ભાજપમાં જોડાતા ભાજપનાં ધારાસભ્યમાં નારાજગી જોવા મળી રહી છે. ત્યારે આ સમગ્ર મામલે ભાજપનાં વરાછાનાં ધારાસભ્ય કિશોર કુમાર કાનાણીએ નારાજગી વ્યક્ત કરતા જણાવ્યું હતું કે, મારા સિદ્ધાંતનાં વિરૂદ્ધ થયું હતું. એટલે હું કાર્યક્રમથી દૂર રહ્યો હતો. ચૂંટણી વખતે રાજનીતિ પાર્ટી જે નિવેદન આપે છે તે લોકો યાદ રાખે છે.

વરાછાનાં ધારાસભ્ય હાજર ન રહેતા અનેક ચર્ચાઓએ જોર પકડ્યું

તેમજ અલ્પેશ કથીરીયા અને ધાર્મિક માલવિયાનાં ભાજપમાં જોડાવાથી કાનાણી નારાજ છે. અલ્પેશ અને ધાર્મિક ભાજપમાં જોડાતા ભાજપમાં નારાજગી જોવા મળી રહી છે. વરાછાનાં ધારાસભ્ય કિશોર કાનાણી હાજર ન રહેતા અનેક ચર્ચાઓએ જોર પકડ્યું છે. ભાજપ પ્રવેશનાં કાર્યક્રમથી ધારાસભ્ય અળગા રહેતા ગણગણાટ વધ્યો હતો. સ્થાનિક ધારાસભ્ય ભરતી મેળાથી અને સભાથી દૂર રહ્યા હતા.

વધુ વાંચોઃ પરષોત્તમ રૂપાલા અને પરેશ ધાનાણીને ચૂંટણી પંચની નોટીસ, જાણો શું છે સમગ્ર મામલો

હું મારા સિદ્ધાંત નહિ છોડું : કુમારભાઈ

આ સમગ્ર બાબતે કિશોર કુમાર કાનાણીએ જણાવ્યું હતું કે, મારા સિદ્ધાંતનાં વિરૂદ્ધ થયું એટલે હું દૂર રહ્યો હતો. ચૂટણી વખતે રાજનીતિ પાર્ટી જે નિવેદન આપે છે તે લોકો યાદ રાખે છે. મેં મારા નિવેદનો યાદ રહ્યા છે. વિધાનસભા વખતે અલ્પેશ કથિરીયા સામ સામે હતા. હું મારા સિદ્ધાંતો નહી છોડું. પાર્ટીએ જે નિર્ણય કર્યો તે માન્ય છે. ભાજપ પ્રદેશ પ્રમુખ અને સુરતનાં ધારાસભ્યો આ ભરતી મેળામાં હાજર રહ્યા હતા. ભાજપનાં ધારાસભ્ય કિશોર કાનાણી ગેરહાજર રહેતા ભાજપનાં કાર્યકરોમાં ચર્ચાનો વિષય બન્યો હતો.