રાજનીતિ / PM મોદીએ પહેલી વાર કરી US રાષ્ટ્રપતિ બાઇડેન સાથે વાતચીત, મહત્વના આ મુદ્દાઓ પર થઇ ચર્ચા

પ્રધાનમંત્રી નરેન્દ્ર મોદીએ સોમવારના રોજ અમેરિકાના રાષ્ટ્રપતિ જો બાઇડેન સાથે વાત કરી અને તેમની સાથે કેટલાક મહત્વના મુદ્દાઓ પર ચર્ચા કરી. આ દરમિયાન વ્યૂહાત્મક ભાગીદારી વધારવાની સંમતિ સાધવામાં આવી. 

પીએમ મોદીએ કહ્યું બંને દેશો નિયમ આધારિત વ્યવસ્થા માટે કટિબદ્ધ છે અને દ્વિપક્ષીય રણનીતિ સમજૂતિને મજબૂત કરવાની સાથે-સાથે હિંદ-પ્રશાંત અને તેની ઉપર શાંતિ અને સુરક્ષા વધારવા માટે આશાન્વિત છે. 
 

ઉલ્લેખનીય છે કે અમેરિકામાં ગત મહીને રાષ્ટ્રપતિનો પદભાર સંભાળ્યા બાદ જો બાઇડેન અને ભારતના પ્રધાનમંત્રી નરેન્દ્ર મોદી વચ્ચે આ પહેલી વાતચીત છે. આ વાતચીત દરમિયાન પ્રધાનમંત્રી નરેન્દ્ર મોદીએ બાઇડેનને ચૂંટણીમાં જીત માટે શુભેચ્છા પાઠવી.
 

President @JoeBiden and I are committed to a rules-based international order. We look forward to consolidating our strategic partnership to further peace and security in the Indo-Pacific region and beyond. @POTUS

— Narendra Modi (@narendramodi) February 8, 2021

પીએમઓ તરફથી મળતી જાણકારી મુજબ પ્રધાનમંત્રી નરેન્દ્ર મોદીએ અમેરિકાના રાષ્ટ્રપતિને શુભેચ્છા આપવાની સાથે ક્ષેત્રીય મુદ્દાઓ અને આપણી હાલની પ્રાથમિકતા પર ચર્ચા કરી. પ્રધાનમંત્રી તરફથી ટ્વિટમાં કહેવામાં આવ્યું કે બંને નેતા જળવાયુ પરિવર્તન સામે પોતાના સહયોગને આગળ વધારવા માટે સહમત થયા છે. 

ચીન સાથેના સરહદ પરના તણાવ વચ્ચે ખાસ છે આ વાતચીત

ઉલ્લેખનીય છે કે ચીનની સાતે ચાલી રહેલા સરહદ પર તણાવ વચ્ચે પ્રધાનમંત્રી નરેન્દ્ર મોદી અને અમેરિકાના રાષ્ટ્રપતિ જો બાઇડેન વચ્ચે થયેલી આ વાતચીત ખાસ મહત્વની છે. અમેરિકાએ ઘણી વખત ચીનની વિસ્તારવાદી નીતિઓ પર ચિંતા વ્યક્ત કરી છે. જો બાઇડેન સાથેની આ વાતચીત પહેલા પીએમ મોદીએ તેમને જીતની શુભેચ્છા પણ પાઠવી હતી.