ન્યૂઝ અપડેટ્સ
ન્યૂઝ અપડેટ્સ
6 ફોટો ગેલેરી
Last Updated: 08:31 AM, 21 October 2026
FOLLOW ON
શેર કરો
1/6
આગામી 24 કલાક દરમિયાન બંગાળની ખાડીના નૈઋત્ય ભાગ અને તેને અડીને આવેલા તમિલનાડુના દરિયાકાંઠાના વિસ્તારોમાં લો-પ્રેશર ક્ષેત્ર રચાવવાની શક્યતા નોંધપાત્ર રીતે વધી ગઈ છે. ભારતીય હવામાન વિભાગ (IMD) એ આગાહી કરી છે કે દેશના વિવિધ ભાગોમાં વરસાદનો દોર ચાલુ રહેશે. IMD અનુસાર, તમિલનાડુ, પુડુચેરી અને કરાઈકલમાં 26 ઓક્ટોબર સુધી ભારેથી અતિ ભારે વરસાદ પડી શકે છે. આ દરમિયાન, કેરળ, માહે, લક્ષદ્વીપ, કર્ણાટક, દરિયાકાંઠાના આંધ્રપ્રદેશ અને રાયલસીમાના છૂટાછવાયા સ્થળોએ ભારે વરસાદની શક્યતા છે. આ ઉપરાંત, 21 થી 26 ઓક્ટોબર દરમિયાન અંદમાન અને નિકોબાર ટાપુઓમાં વ્યાપક વરસાદ થવાની સંભાવના છે.
આ તસવીર શેર કરો
2/6
હવામાન ચેતવણી અનુસાર, આગામી થોડા દિવસોમાં દક્ષિણ ભારતના કેટલાક ભાગોમાં ગાજવીજ, વીજળીના કડાકા અને તેજ પવનો સાથે વરસાદ પડવાની શક્યતા છે. 22 ઓક્ટોબર સુધીમાં ઘણા સ્થળોએ વરસાદ પડી શકે છે, જેમાં કેટલાક વિસ્તારોમાં ખૂબ ભારે વરસાદ થવાની પણ સંભાવના છે. આ ઉપરાંત, 23 થી 26 ઓક્ટોબર દરમિયાન પણ આ પ્રદેશોના છૂટાછવાયા સ્થળોએ ભારે વરસાદ ચાલુ રહી શકે છે. બીજી તરફ, ઉત્તર અને પૂર્વ ભારતમાં વરસાદનો દોર પૂરો થતાં જ ઠંડીની શરૂઆત થઈ ગઈ છે. પંજાબ, હરિયાણા, દિલ્હી-એનસીઆર, ઉત્તર પ્રદેશ, બિહાર અને ઝારખંડ સહિતના રાજ્યોમાં તાપમાનમાં ઘટાડો નોંધાયો છે.
આ તસવીર શેર કરો
ADVERTISEMENT
3/6
પૂર્વ ભારતમાં આવેલા અંદામાન અને નિકોબાર ટાપુસમૂહમાં 21 થી 26 ઓક્ટોબર દરમિયાન અનેક સ્થળોએ વરસાદ પડવાની શક્યતા છે. 21 થી 24 ઓક્ટોબર દરમિયાન કેટલાક વિસ્તારોમાં ભારે વરસાદ પડી શકે છે. હવામાન વિભાગે 21 થી 22 ઓક્ટોબર દરમિયાન આ વિસ્તારમાં 30 થી 40 કિલોમીટર પ્રતિ કલાકની ઝડપે જોરદાર પવન ફૂંકાવાની આગાહી કરી છે. દરમિયાન, 23 થી 26 ઓક્ટોબર વચ્ચે પવનની ગતિ કલાકના 40 થી 50 કિમી રહી શકે છે, જે પવનના જોરદાર ઝાપટાં સાથે કલાકના 60 કિમી સુધી પહોંચી શકે છે. ઓડિશામાં 21 અને 26 ઓક્ટોબરે કેટલાક વિસ્તારોમાં હળવાથી મધ્યમ વરસાદની શક્યતા છે. આ ઉપરાંત, 30 થી 40 કિમી પ્રતિ કલાકની ઝડપે ફૂંકાતા પવનો સાથે ગાજવીજ પણ થઈ શકે છે.
આ તસવીર શેર કરો
4/6
મધ્ય ભારતમાં, 21 થી 23 ઓક્ટોબર દરમિયાન પશ્ચિમ મધ્ય પ્રદેશના કેટલાક વિસ્તારોમાં વરસાદ પડવાની શક્યતા છે. 21 ઓક્ટોબરે પૂર્વ મધ્ય પ્રદેશમાં પણ વરસાદ પડી શકે છે. આ બંને વિસ્તારોમાં ગાજવીજ સાથે વરસાદ, વીજળીના કડાકા અને 30 થી 40 કિમી પ્રતિ કલાકની ઝડપે પવન ફૂંકાવાની શક્યતા છે, જેમાં પવનના ઝાપટાંની ગતિ 50 કિમી પ્રતિ કલાક સુધી પહોંચી શકે છે. આ ઉપરાંત, છત્તીસગઢ અને વિદર્ભના કેટલાક વિસ્તારોમાં પણ વરસાદ થવાની સંભાવના છે. પશ્ચિમ ભારતમાં, 21 થી 23 ઓક્ટોબર દરમિયાન કોંકણ-ગોવા અને મધ્ય મહારાષ્ટ્રના કેટલાક વિસ્તારોમાં વરસાદ પડવાની શક્યતા છે. મરાઠવાડામાં 21 ઓક્ટોબરે વરસાદની આગાહી કરવામાં આવી છે. 21 ઓક્ટોબરે કોંકણ-ગોવા અને મધ્ય મહારાષ્ટ્રમાં ગાજવીજ સાથે વરસાદ પડી શકે છે, જેમાં 40 થી 50 કિમી પ્રતિ કલાકની ઝડપે જોરદાર પવન ફૂંકાઈ શકે છે. પવનના ઝાપટાંની ગતિ 60 કિમી પ્રતિ કલાક સુધી પહોંચી શકે છે.
આ તસવીર શેર કરો
ADVERTISEMENT
5/6
ઉત્તર-પશ્ચિમ ભારતના કેટલાક ભાગોમાં હવામાનમાં ફેરફાર થવાની શક્યતા છે. 23 થી 25 ઓક્ટોબર દરમિયાન જમ્મુ-કાશ્મીર, લદ્દાખ, ગિલગિટ-બાલ્તિસ્તાન અને મુઝફ્ફરાબાદમાં અમુક સ્થળોએ વરસાદ પડી શકે છે. હિમાચલ પ્રદેશમાં 24 અને 25 ઓક્ટોબરે છૂટોછવાયો અથવા વ્યાપક વરસાદ થવાની સંભાવના છે, જ્યારે ઉત્તરાખંડમાં 23 થી 26 ઓક્ટોબર દરમિયાન વરસાદ પડી શકે છે. હરિયાણા, ચંદીગઢ, દિલ્હી અને પંજાબમાં પણ 24 અને 25 ઓક્ટોબરે કેટલાક સ્થળોએ વરસાદ થવાની શક્યતા છે. 24 ઓક્ટોબર સુધી પશ્ચિમ અને પૂર્વ રાજસ્થાનમાં વરસાદની શક્યતા છે. રાજસ્થાનના પશ્ચિમ અને પૂર્વ વિસ્તારોમાં ગાજવીજ સાથે વરસાદ, વીજળી પડવી અને 30 થી 40 કિમી પ્રતિ કલાકની ઝડપે જોરદાર પવન ફૂંકાવાની શક્યતા છે. પવનના ઝાપટાંની ગતિ 50 કિમી પ્રતિ કલાક સુધી પહોંચી શકે છે.
આ તસવીર શેર કરો
6/6
ઉત્તર-પૂર્વ ભારતમાં, આસામ અને મેઘાલયના કેટલાક વિસ્તારોમાં વરસાદ પડી શકે છે. નાગાલેન્ડ, મણિપુર, મિઝોરમ અને ત્રિપુરામાં 21 થી 22 ઓક્ટોબર દરમિયાન છૂટોછવાયો વરસાદ થવાની શક્યતા છે. હવામાન વિભાગના પૂર્વાનુમાન મુજબ, આગામી દિવસોમાં દેશના દક્ષિણી અને ટાપુવાળા વિસ્તારોમાં વરસાદની ગતિવિધિ વધુ તીવ્ર બનવાની સંભાવના છે. ખાસ કરીને, તમિલનાડુ, પુડુચેરી અને કરાઈકલમાં ૨૬ ઓક્ટોબર સુધી ભારે વરસાદની શક્યતાને જોતા, લોકોને સતર્ક રહેવાની અને સ્થાનિક હવામાન ચેતવણીઓનું પાલન કરવાની સલાહ આપવામાં આવે છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
જોવા જેવું
