વાયરલ / PM મોદીની પાછળ ઊભેલી યુવતીએ એવો શું ઈશારો કર્યો કે, ખુદ વડાપ્રધાને પાછળ જોવું પડ્યું

ઓસ્ટ્રેલિયાના મેલબર્ન સ્થિત માર્વલ સ્ટેડિયમમાં વડાપ્રધાન નરેન્દ્ર મોદીના ભારતીય સમુદાયને સંબોધન દરમિયાન એક રસપ્રદ ઘટના જોવા મળી હતી. PM મોદી ભાષણ આપી રહ્યા હતા ત્યારે તેમની પાછળ ઊભેલી એક મહિલા કેમેરાપર્સને અચાનક હાથથી કંઈક ઈશારો કર્યો હતો. આ ઈશારા બાદ ખુદ વડાપ્રધાન મોદી પણ પાછળ ફરીને જોવા લાગ્યા હતા. આ ઘટનાનો વીડિયો હવે સોશિયલ મીડિયા પર ઝડપથી વાયરલ થઈ રહ્યો છે. વીડિયોમાં જોવા મળે છે કે PM મોદી સ્ટેજ પરથી ભાષણ આપી રહ્યા છે. આ દરમિયાન પાછળ ઊભેલી મહિલા કેમેરાપર્સન હાથથી સામે તરફ ઈશારો કરે છે. થોડા જ સમયમાં PM મોદી પાછળ ફરીને તેની તરફ જુએ છે અને ત્યારબાદ મહિલા તરત જ તેમનો ફોટો ક્લિક કરી લે છે.

સોશિયલ મીડિયા પર વીડિયો વાયરલ

આ વીડિયો કાર્યક્રમનો એક નાનો ભાગ છે, જે સોશિયલ મીડિયા પર અલગ-અલગ અંદાજમાં શેર કરવામાં આવી રહ્યો છે. જોકે, આ ઘટનાની સંપૂર્ણ વિગતો સ્પષ્ટ નથી, પરંતુ વીડિયોએ લોકોનું ધ્યાન ખેંચ્યું છે. આ કાર્યક્રમ દરમિયાન ઓસ્ટ્રેલિયાના વડાપ્રધાન એન્થની અલ્બનીઝ પણ હાજર રહ્યા હતા. ભારતીય સમુદાય માટે આયોજિત આ વિશાળ કાર્યક્રમમાં અંદાજે 30 હજાર જેટલા ભારતીય મૂળના લોકો હાજર રહ્યા હતા.

સ્ટેડિયમમાં ગૂંજ્યા ‘મોદી-મોદી’ના નારા

PM મોદીના સંબોધન દરમિયાન સ્ટેડિયમમાં ‘મોદી-મોદી’ના નારા ગૂંજી ઉઠ્યા હતા. એન્થની અલ્બનીઝે પણ કાર્યક્રમને સંબોધતા કહ્યું હતું કે માર્વલ સ્ટેડિયમે અનેક મોટા કાર્યક્રમો જોયા છે, પરંતુ આ પ્રકારનું આયોજન અગાઉ ક્યારેય જોવા મળ્યું નથી. તેમણે કહ્યું કે સ્ટેડિયમમાં જોવા મળતી ઊર્જા ભારત અને ઓસ્ટ્રેલિયા વચ્ચેની મજબૂત ભાગીદારીને દર્શાવે છે.

આ પણ વાંચોઃ મેલબોર્નમાં મોદીની ધમાકેદાર એન્ટ્રી! હજારો ભારતીયોએ કર્યું ઐતિહાસિક સ્વાગત, માર્વેલ સ્ટેડિયમ બન્યું 'મિની ઇન્ડિયા'

PM મોદીની ઓસ્ટ્રેલિયાની ત્રીજી મુલાકાત

PM મોદીએ પોતાના સંબોધનમાં જણાવ્યું કે છેલ્લા 12 વર્ષમાં ઓસ્ટ્રેલિયાની આ તેમની ત્રીજી મુલાકાત છે. તેમણે તેને ભારત અને ઓસ્ટ્રેલિયા વચ્ચેના સતત મજબૂત થતા સંબંધોનું પ્રતિક ગણાવ્યું. ભાવનાત્મક વાત કરતા PM મોદીએ કહ્યું કે ઓસ્ટ્રેલિયામાં રહેતા ભારતીય પરિવારોના બાળકો સ્કૂલથી ઓસ્ટ્રેલિયન સમય પ્રમાણે ઘરે આવે છે, પરંતુ ભારતમાં તેમના દાદા-દાદી અને નાના-નાની વીડિયો કોલ પર તેમની રાહ જોઈ રહ્યા હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ