ઑસ્ટ્રેલિયા / PM મોદી સાથે મીટિંગ બાદ રાજી રાજી થઈ ગયા ઑસ્ટ્રેલિયાના ઉદ્યોગતિઓ, PMએ ભારતમાં ઈન્વેસ્ટમેન્ટ માટે આપ્યું આમંત્રણ

• PM મોદીએ ઑસ્ટ્રેલિયાનાં ઉદ્યોગપતિઓની લીધી મુલાકાત
• ભારતમાં રોકાણ કરવા ઉદ્યોગપતિઓને આપ્યું આમંત્રણ
• ઉદ્યોગપતિઓએ PM મોદી અને તેમના નેતૃત્વનાં કર્યાં વખાણ

પ્રધાનમંત્રી નરેન્દ્ર મોદી હાલમાં ઑસ્ટ્રેલિયાનાં પ્રવાસે છે. આજે બીજા દિવસે PM મોદીએ ઓસ્ટ્રેલિયાનાં ઉદ્યોગપતિઓની મુલાકાત કરી જેમાં તેમણે ઉદ્યોગપતિઓને ભારતમાં રોકાણ કરવા માટે આમંત્રણ આપ્યું હતું. PM મોદીએ ઑસ્ટ્રેલિયા સુપરનાં CEO પૉલ શ્રોડર, ફોર્ટેસ્ક્યુ ફ્યુચર ઈન્ડસ્ટ્રીઝનાં એક્ઝીક્યુટિવ ચેરમેન ડો. એન્ડ્ર્યૂ ફોરેસ્ટ અને હેનકૉક પ્રોસ્પેક્ટિંગની એક્ઝીક્યૂટિવ ચેરમેન જીના રિનેહાર્ટથી પણ મુલાકાત કરી હતી.

#WATCH | Prime Minister Narendra Modi meets Paul Schroder, CEO of Australian Super, in Sydney pic.twitter.com/N1iVohs9St

— ANI (@ANI) May 23, 2023

'PM મોદી પ્રભાવશાળી વ્યક્તિ છે'
ઓસ્ટ્રેલિયન સુપર ગ્રુપનાં CEO પૉલ શ્રોડરે PM મોદીની મુલાકાત કરીને કહ્યું કે પ્રધાનમંત્રી પ્રભાવશાળી વ્યક્તિ છે જે બિઝનેસને પણ સમજે છે. સાથે જ તે પ્રેરિત પણ કરે છે. તેમણે કહ્યું કે પ્રધાનમંત્રીએ પોતાનાં સપનાનાં ભારત વિશે પણ તેમને જણાવ્યું હતું.

#WATCH | PM Narendra Modi interacts with Gina Rinehart, Executive Chairman of Hancock Prospecting, in Sydney, Australia. pic.twitter.com/uLpZYqwHOy

— ANI (@ANI) May 23, 2023

PM મોદીનાં નેતૃત્વમાં ભારતની અર્થવ્યવસ્થા બની મજબૂત- જીના
જીના રિનેહાર્ટે PM મોદીને મળ્યાં બાદ કહ્યું કે PM મોદી સાથેની મુલાકાત ઘણી ઉત્સાહજનક અને સારી રહી હતી. બંને દેશો સાથે કામ કરે તેની ઘણી શક્યતાઓ છે. છેલ્લાં 5 વર્ષોમાં પ્રધાનમંત્રી મોદીનાં નેતૃત્વમાં ભારતની અર્થવ્યવસ્થા વધીને 3.5 ટ્રિલિયન US ડોલર થઈ ગઈ છે અને આવનારાં 25 વર્ષોમાં આ વધીને 32 ટ્રિલિયન US ડોલરની પણ થઈ શકે છે. ભવિષ્યમાં ગ્રોથની શક્યતાઓ ઘણી વધારે છે. ઑસ્ટ્રેલિયાએ ભારત સાથે સંબંધો મજબૂત કરવા માટે ઘણી મહેનત કરવાની જરૂરિયાત છે.