- પી કે રોઝીની 120 મી જયંતીના પર ગૂગલે એક ડૂડલ સમર્પિત કર્યું
- ડૂડલને ગુલાબના ફૂલો અને ફિલ્મના રિલથી સજાવવામાં આવ્યું
- પી કે રોઝી ફિલ્મમાં લીડ રોલ નિભાવનરી પહેલી અભિનેત્રી હતી
PK Rosy Google Doodle: ગૂગલે આજે શુક્રવારના દિવસે મલયાલમ સિનેમાની પહેલી મહિલા અભિનેત્રી અને પહેલી દલિત અભિનેત્રી પી કે રોઝીની 120 મી જયંતીના મોકા પર એક ડૂડલ બનાવીને સમર્પિત કર્યું છે. જણાવી દઈએ કે આ ડૂડલને ગુલાબના ફૂલો અને ફિલ્મના રિલથી સજાવવામાં આવ્યું છે. નોંધનીય છે કે પી કે રોઝી ફિલ્મમાં લીડ રોલ નિભાવનરી પહેલી અભિનેત્રી હતી.
પહેલી ફિલ્મનો થયો હતો ઉગ્ર વિરોધ
વર્ષ 1903માં કેરળના તીરુંવનંતપુરમમાં જન્મેલ રોજીને નાની ઉંમરમાં જ અભિનય કરવાનો શોખ લાગી ગયો હતો. વર્ષ 1928માં ફિલ્મ વિગથાકુમારન (ધ લોસ્ટ ચાઈલ્ડમાં મુખ્ય ભૂમિકા ભજવ્યા પછી તેને નામ મેળવવાનું શરૂ કર્યું હતું. જણાવી દઈએ કે તે પોતે દલિત સમાજમાંથી આવી હતી અને ફિલ્મમાં તેણે ઉચ્ચ જાતિની મહિલાની ભૂમિકા ભજવી હતી. જો કે કારણે તેને ઘણો વિરોધનો સામનો કરવો પડ્યો હતો.
ફિલ્મમાં એક સીન હતો જેમાં પુરૂષ નાયક તેના વાળમાં એક ફૂલને ચુંબન કર્યું હતું અને આ ફિલ્મનો આ સીન જોઈને લોકો ગુસ્સે થઈ ગયા હતા. એ સમયે લોકોએ એમનું ઘર પણ સળગાવી દીધું હતું. આટલું જ નહીં રોઝીને પણ એ સમયે રાજ્ય છોડવાની ફરજ પડી હતી. એવું કહેવાય છે કે તે લારીમાં તમિલનાડુ ભાગી ગઈ હતું જ્યાં તેણે તે જ લારીના ડ્રાઈવર સાથે લગ્ન કર્યા હતા અને એ બાદ 'રાજમ્મા'નામ સાથ તે ત્યાં જ સ્થાયી થઈ હતી.
ટૂંકું પણ ઘણું પ્રેરણાદાયી કરિયર
ભલે એમની ટૂંકી કારકિર્દી રહી છે એ છતાં પણ રોઝીએ ઘણી સીમાઓ તોડી દીધી છે અને ખાસ કરીને એવા સમયમાં જ્યારે મહિલાઓ માટે આર્ટ્સ ક્ષેત્રમાં જવું ખરાબ માનવામાં આવતું હતું. જણાવી દઈએ કે તેમના જીવનકાળ દરમિયાન સિનેમામાં તેમના યોગદાન માટે તેમની કદી પ્રશંસા કરવામાં આવી ન હતી પણ તેમની વાર્તા હજુ પણ ઘણા લોકો માટે એક મહાન પ્રેરણા છે.
