ધાર્મિક / Photos: જેઠ પૂનમે કરો શામળાજીના અલૌકિક દર્શન, રથયાત્રા પહેલા શામળિયાના દર્શનનું આગવું મહત્વ

• શામળાજીમાં જેઠ પૂર્ણિમાની ઉજવણી
• મોટી સંખ્યામા ભક્તો ઉમટ્યા
• ભગવાનનો કરવામાં આવ્યો શણગાર

અરવલ્લીના શામળાજીમાં આજે જેઠ પૂર્ણિમાની ઉજવણી કરવામાં આવી હતી. વહેલી સવારથી લોકો ભગવાન શામળિયાના દર્શન માટે ઉમટ્યા હતા. રથયાત્રા પૂર્વેની શામળિયાની પૂર્ણિમાના દર્શનનું એક આગવું મહત્વ છે. જેને લઈ મોટો સંખ્યામાં ભક્તો શામળિયાના દર્શનાર્થે ઉમટી પડ્યા હતા. 

શામળાજીમાં આજે જેઠ પૂર્ણિમાની ઉજવણીમાં મોટી સંખ્યામાં લોકો ઉમટી પડ્યા હતા. જેષ્ઠા નક્ષત્રમાં આવતી જેઠ પૂર્ણિમાથી ધાર્મિક તહેવારની શરૂઆત થાય છે. જેને લઈ આજે ભગવાન શામળિયાને સોળે શણગારથી સજાવવામાં આવ્યા. વહેલી સવારથી જ ઉમટી પડેલા શ્રધ્ધાળુ અને અબાલ વૃદ્ધ સૌ શામળિયાના દર્શન કરી ધન્યતા અનુભવી હતી. 

જેઠ પૂર્ણિમાથી ધાર્મિક તહેવારની શરૂઆત

શાસ્ત્રો મુજબ જેષ્ઠા નક્ષત્રમાં આવતી જેઠ પૂર્ણિમાથી ધાર્મિક તહેવારની શરૂઆત થાય છે. તો વળી રથયાત્રા પહેલા શામળિયાના દર્શનનું પણ આગવું મહત્વ રહેલું છે. દરવર્ષની જેમ આ વર્ષે પણ શામળાજી ખાતે ભક્તોને દર્શન કરી ધન્યતા અનુભવી હતી.