કામની વાત / શું જરૂરિયાત પડવા પર PFમાંથી એક લાખ રૂપિયા ઉપાડી શકાય? જાણો શું કહે છે નિયમ

જે વ્યક્તિ જોબ કરે છે એમને આખો મહિનો કામ કર્યા પછી પગાર મળે છે અને લોકો તેમના ભવિષ્યને સુરક્ષિત કરવા માટે વિવિધ યોજનાઓમાં પણ રોકાણ કરે છે. આ સિવાય એક જગ્યા એવી છે જેમાં નોકરી કરતા લોકોના પૈસા રોકે છે અને તે છે તેમનું પીએફ એકાઉન્ટ. 

નોકરીયાત લોકોના પીએફ ખાતા એમ્પ્લોઈઝ પ્રોવિડન્ટ ફંડ ઓર્ગેનાઈઝેશન એટલે કે ઈપીએફઓ દ્વારા ખોલવામાં આવે છે જેમાં કર્મચારીના પગારમાંથી ચોક્કસ રકમ કાપીને આ ખાતામાં જમા કરવામાં આવે છે. જો કે EPFO આ પૈસા નિવૃત્તિના વ્યાજ સાથે મળે છે પણ જો કર્મચારી ઇચ્છે તો તે પોતાની જરૂરિયાત  મુજબ ઘરે બેઠા આ પૈસા ઉપાડી શકે છે. 

એવામાં જો તમને પૈસાની જરૂર હોય કે કોઈપણ પ્રકારની મેડિકલ ઈમરજન્સીના કિસ્સામાં તમે તમારા પીએફ ખાતામાંથી એક કલાકની અંદર સરળતાથી 1 લાખ રૂપિયા ઉપાડી શકો છો.આ સેવાનો લાભ લેવા માટે તમારે ખર્ચ દર્શાવવો પડશે.

EPFમાંથી પૈસા ઉપાડવા માટે, પહેલા EPFOની સત્તાવાર વેબસાઇટ www.epfindia.gov.in પર જાઓ. UAN નંબર, પાસવર્ડ અને કેપ્ચા કોડ દાખલ કરીને લોગ ઇન કરો. આ પછી મેનેજ પર ક્લિક કરો અને KYC વિકલ્પ પરની બધી માહિતી તપાસો. આ પછી, ઑનલાઇન સેવા પર જાઓ અને ક્લેમ ફોર્મ 31,19,10C અને 10D ભરવાનું રહેશે. એ બાદ છેલ્લા ચાર નંબરો નાખીને તમારું એકાઉન્ટ વેરિફાઈ કરવું પડશે.

આ પછી તમારે Proceed for Online Claim પર ક્લિક કરવાનું રહેશે અને તમારી ઘણી બધી માહિતી અહીં જોશો, જેમાંથી એક તમારો બેંક એકાઉન્ટ નંબર છે. અહીં તમારે તમારો બેંક એકાઉન્ટ નંબર દાખલ કરવો પડશે અને તેની ચકાસણી કરાવવી પડશે. એ બાદ તમારે PF એડવાન્સ ફોર્મ પસંદ કરવાનું રહેશે અને પૈસા ઉપાડવાનું કારણ પણ પસંદ કરવું પડશે. પછી PF એકાઉન્ટમાંથી કેટલા પૈસા ઉપાડવા જેવી અન્ય માહિતી ભરો. 

હવે બેંક પાસબુક અથવા કેન્સલ થયેલ ચેકનો ફોટો PDF ફોર્મેટમાં અપલોડ કરવાનો રહેશે. આ પછી તમારા રજિસ્ટર્ડ મોબાઈલ નંબર પર એક OTP આવશે, તેને ભરો અને સબમિટ કરો. એક અઠવાડિયાની અંદર, તમારા બેંક ખાતામાં પૈસા આવે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો