લો જાણી લો / સરકારે કરી દીધો ખુલાસો, એક વર્ષમાં આટલી વાર વધાર્યાં પેટ્રોલ-ડીઝલના ભાવ, સંસદને જાણ કરાઈ

• 2021-22માં પેટ્રોલ અને ડીઝલની કિંમતમાં 154 વાર વધારો
• કેન્દ્રીય પેટ્રોલિયમ મંત્રી તેલીએ રાજ્યસભામાં જણાવ્યું 
• આપ સાંસદ રાઘવ ચઢ્ઢાએ સરકારને પૂછ્યો હતો સવાલ 

2021-22ના વર્ષમાં સરકારે પેટ્રોલ અને ડીઝલના ભાવ વધારવામાં પાછું વળીને જોયું નથી. હવે ખુદ સરકારે સંસદને જાણ કરી છે કે તેના દ્વારા આ વર્ષમાં કેટલી વાર પેટ્રોલ અને ડીઝલના ભાવમાં વધારો કરાયો છે. આમ આદમી પાર્ટીના સાંસદ રાઘવ ચઢ્ઢાના એક સવાલના જવાબમાં કેન્દ્રીય પેટ્રોલિયમ અને ગેસ રાજ્યમંત્રી રામેશ્વર તેલીએ રાજ્યસભામાં લેખિત જવાબમાં જણાવ્યું કે 2021-2022 દરમિયાન પેટ્રોલના ભાવમાં 78 વખત વધારો કરવામાં આવ્યો હતો, જ્યારે ડીઝલના દરમાં 76 વખત વધારો કરવામાં આવ્યો હતો. 

In reply to my question in Rajya Sabha, Central Government conceded that the prices of petrol and diesel have been hiked 𝟕𝟖 𝐓𝐈𝐌𝐄𝐒 and 𝟕𝟔 𝐓𝐈𝐌𝐄𝐒 respectively in the last one year. This is a clear confession by the Government of looting the common man. pic.twitter.com/4dz9DA7pQZ

— Raghav Chadha (@raghav_chadha) July 25, 2022

આમ આદમી પાર્ટીના સાંસદ રાઘવ ચઢ્ઢાએ સરકારને પૂછ્યો સવાલ 
આમ આદમી પાર્ટીના સાંસદ રાઘવ ચઢ્ઢાએ સરકારને સવાલ પૂછ્યો હતો કે એક વર્ષમાં કેટલી વાર પેટ્રોલ અને ડીઝલના ભાવમાં વધારો કરવામાં આવ્યો છે.  રાઘવ ચઢ્ઢાએ કહ્યું કે રાજ્યસભામાં મારા પ્રશ્નના જવાબમાં, કેન્દ્ર સરકારે સ્વીકાર્યું કે છેલ્લા એક વર્ષમાં પેટ્રોલ અને ડીઝલના ભાવમાં અનુક્રમે 78 વખત અને 76 વખત વધારો કરવામાં આવ્યો છે. 

In response to my question, the Centre has said that it hiked the prices of petrol and diesel 78 times and 76 times in that order, during the financial year 2021-22. It has a cascading impact on (the price of) every other commodity: Raghav Chadha, AAP MP pic.twitter.com/HEp6gDP74d

— ANI (@ANI) July 25, 2022

પેટ્રોલ-ડીઝલ પર 16 લાખ કરોડની એક્સાઈઝ ડ્યુટી વસૂલી 
આપ સાંસદ ચઢ્ઢાએ કહ્યું કે 2016 અને 2022 દરમિયાનના છ વર્ષમાં ઈંધણ પર લાદવામાં આવેલી એક્સાઈઝ ડ્યુટીને કારણે સરકારને 16 લાખ કરોડની આવક થઈ હતી. તેમણે કહ્યું કે સરકાર સંસદમાં મોંઘવારીની ચર્ચા કરવા કે તેનો ઉકેલ લાવવા પણ માગતી નથી.