- આવતીકાલે ભારત-ઓસ્ટ્રેલિયા વચ્ચે ફાઈનલ મેચ
- રાજકોટમાં ક્રિકેટ વિશ્વકપના ફાઈનલ મેચને લઈને લોકોમાં ઉત્સાહ
- માધવરાવ સિંધિયા ક્રિકેટ ગ્રાઉન્ડમાં મેચનું કરાશે જીવંત પ્રસારણ
- 80*30ના LED સ્ક્રિન પર મેચનું પ્રસારણ કરવામાં આવશે
આવતીકાલે તા. 19 નવેમ્બરના વિશ્વના સૌથી મોટા નરેન્દ્ર મોદી સ્ટેડિયમમાં ક્રિકેટ વર્લ્ડકપ ફાઇનલનો જોરદાર જંગ ખેલાશે. જેને લઈને ક્રિકેટ રસિકોમાં જબરો ઉત્સાહ છે. હાલ અમદાવાદના આંગણે જબરદસ્ત જનમેદની ઉમટી રહી છે. હોટલ, રૂમમાં ધડાઘડ બુકીંગ થઈ જતા હાલ હાઉસફૂલ છે. આવતીકાલે ભારત-ઓસ્ટ્રેલિયા વચ્ચે ફાઈનલ મેચને લઈ રાજકોટની ક્રિકેટપ્રિય પ્રજા પણ ઉત્સાહ સાથે જોડાઈ શકે તે માટે વ્યવસ્થા કરાઈ છે.
મેયર, સ્ટે. ચેરમેન, ડે. મેયર સહિત પોચ્ચ્યા ગ્રાઉન્ડ પર
રાજકોટમાં ક્રિકેટ વિશ્વકપના ફાઈનલ મેચને લઈને લોકોમાં ઉત્સાહ છે. ત્યારે માધવરાવ સિંધિયા ક્રિકેટ ગ્રાઉન્ડમાં મેચનું જીવંત પ્રસારણ કરાશે. 80*30ના LED સ્ક્રિન પર મેચનું પ્રસારણ કરવામાં આવશે. DJના તાલ સાથે લોકો ફાઈનલ મેચની મજા માણી શકશે. જે અંગે મેયર, સ્ટેન્ડિંગ ચેરમેન અને ડે.મેયર દ્વારા પદાધિકારીઓએ સમીક્ષા કરી હતી.
અમદાવાદમાં નરેન્દ્ર મોદી સ્ટેડિયમમાં મેચ જોવા અત્યારથી લોકો ઉમટ્યા હતા. મહાજંગ જોવા માટે ગુજરાત બહારથી લોકો આવી રહ્યા છે. મુંબઈ, નાસિક, ઉડીસા, દિલ્હી, પંજાપ, હરિયાણાથી ક્રિકેટ પ્રેમીઓ અમદાવાદ આવી રહ્યા છે. આ બાબતે ક્રિકેટ પ્રેમીએ જણાવ્યું હતું કે, અમે ઉડીસાથી આવ્યા છીએ, આ વર્લ્ડ કપ આપણો છે.તેમજ રોહિત શર્મા, વિરાટ કોહલી ધૂમ મચાવશે.
હેરિટેજ સ્થળ પર બંન્ને કેપ્ટનોનું થયુ ફોટોશૂટ
આવતીકાલે ICC ક્રિકેટ વર્લ્ડકપની ફાઈનલ મેચ અમદાવાદનાં નરેન્દ્ર મોદી સ્ટેડિય ખાતે રમાનાર છે. ફાઈનલ મેચ પહેલ ભારત અને ઓસ્ટ્રેલિયાનાં કેપ્ટનોનું ફોટોશૂટ કરવામાં આવ્યું હતું. અડાલજની વાવ ખાતે રોહિત શર્મા અને પેટ કમિંન્સ પહોંચ્યા હતા. હેરિટેજ સ્થળ પર બંને કેપ્ટનોનું ફોટોશૂટ થયું હતું.
