પેગાસસ / પેગાસસ ફોન હેકીંગ મામલો UN પહોચ્યો, સંયુક્ત રાષ્ટ્રએ સરકારને આપી આ સલાહ

• UN પહોચ્યો ફોન હેકિંગનો મામલો 
• માનવાધિકારોનું ઉલ્લઘંન ન થવું જોઈએ :UN 
• સરકારે જાસૂસી પર રોક લગાવી જોઈએ :UN 

પેગાસસ ફોન હેકિંગનો મામલો હવે સંયુક્ત રાષ્ટ્ર સુધી પહોચ્યો છે. આ મામલે સંયુક્ત રાષ્ટ્ર માનવાધિકાર પ્રમુખે ચિંતા વ્યક્ત કરી છે. કારણકે આ પેગાસસ સોફ્ટવેર દ્વારા રાજનેતાઓ તેમજ પત્રકારોની જાસૂસી કરવામાં આવતી હતી. જેથી સરકારને તેના પર રોક લગાવા માટે સંયુક્ત રાષ્ટ્ર દ્વારા કહેવામાં આવ્યું છે. કારણકે તેના કારણે માનવાધિકારોનું ઉલ્લંઘ થતું હોય છે. 

વૈશ્વિક મીડિયા સંઘ દ્વારા જાણકારી 

સંયુક્ત રાષ્ટ્ર દ્વારા કહેવામાં આવ્યું કે વૈશ્વિક મીડિયા સંઘ દ્વારા ખબર પડી છે. ઈઝરાયલ સ્થિત એનએસઓ ગ્રુપના સોફ્ટવેરનો ઉપયોગ વિશ્વના પત્રકારો, માનવાધિકાર કાર્યકર્તાઓ અને રાજનનેતાઓની જાસૂસી માટે કરવામાં આવી રહ્યો છે. 

જાસૂસી પર રોક 

સંયુક્ત રાષ્ટ્રના માનવાધિકાર માટેના આયુક્ત કમિશનરે મિશેલ બૈચલેટે કહ્યું કે વિભઇન્ન દેશોમાં જે રીતે પત્રકારોની, માનવાધિકાર રક્ષકોની અને રાજનેતાઓની જાસૂસી કરવા માટે પેગાસસ સોફ્ટવેરનો ઉપયોગ થઈ રહ્યો છે. તે ઘણી ચિંતાની બાબત છે. સરકારે તેમની બધીજ જાસૂસી પર રોક લગાવી જોઈએ જેના દ્વારા માનવાધિકારોનું ઉલ્લંઘન કરવામાં આવી રહ્યું છે. 

વિપક્ષના સરકાર સામે પ્રહાર 

ઉલ્લેખનીય છે કે પેગાસસ ફોન હેકિંગને લઈને ભારતમાં ઘણો વિવાદ વકર્યો છે. સંસદમાં ચોમાસૂ સત્ર શરૂ થાય તે પહેલાજ તેની રિપોર્ટ આવી જેના કારણે વિપક્ષે સરકાર પર આકરા પ્રહાર કર્યા છે. કોંગ્રેસ દ્વારા આ મામલે સંયુક્ત સંસદીય સમિતિની માગ કરવામાં આવી છે. પરંતું સરકારનું કહેવું છે કે આ બધું તેમની બદનામી માટે શડયંત્ર ઘડવામાં આવી રહ્યું છે.