- બિહારની યુવતી પ્રિયંકા ચા વેચ્યા બાદ ચર્ચામાં આવી હતી
- બિહારની યુવતી હવે તેની ચાની દુકાન કરી રહી છે બંધ
- મિની ફૂડ ટ્રકનો ઉપયોગ કરીને ચા-નાશ્તાના વ્યવસાયને વધારશે
ચા-નાશ્તો વેચવા માટે મિની ફૂડ ટ્રકની ઑફર
હા તમે સાચુ સમજ્યુ. બિહારની યુવતી હવે તેની ચાની દુકાન બંધ કરી રહી છે કારણકે કોઈએ તેને પહેલાથી જ ફળી રહેલા વેપારને વધારવામાં મદદ કરવાનુ વચન આપ્યું છે. મીડિયા રિપોર્ટસ મુજબ, કોઈ અજ્ઞાત વ્યક્તિએ તેને ચા-નાશ્તો વેચવા માટે મિની ફૂડ ટ્રક ઑફર કરી છે. ચાવાળીએ કથિત રીતે તેના આ પ્રસ્તાવને સ્વીકારી લીધો છે અને મિની ફૂડ ટ્રકનો ઉપયોગ કરીને ચા અને નાશ્તો વેચીને તેના વ્યવસાયને વિસ્તારવાનો નિર્ણય કર્યો છે. શું આ સારું નથી? યુવતીએ ફક્ત આ શરત પર સહમતિ દર્શાવી છે કે તે થોડા સમયમાં તેના ચાના વ્યવસાયથી થતા લાભથી ખાવાના ટ્રકનો સંપૂર્ણ ખર્ચ ચૂકવી દેશે.
ટ્રક પર ચા બનાવનારા લોકોને પણ રાખશે
એટલું જ નહીં, પ્રિયંકાએ ફૂડ ટ્રક પર પેશેવર ચા બનાવનારા લોકોને પણ રાખવાનો નિર્ણય કર્યો છે, એટલેકે તેના ગ્રાહકોને તેની મનપસંદ ચા મળી શકે. પ્રિયંકા પહેલા બધુ એકલા જ મેનેજ કરતી હતી. પરંતુ હવે તેમણે પોતાના બિઝનેસને વધારવા માટે વધારે લોકોને હાયર કરવાનો નિર્ણય કર્યો છે. પ્રફૂલ્લ બિલોર એક એમબીએ ચાવાળા પાસેથી પ્રેરણા લઇને પ્રિયંકાએ હાલમાં બિહારના પટનામાં એક મહિલા કોલેજની પાસે એક ચાની દુકાન ખોલી હતી. જ્યારે તેને સારી નોકરી મળી ન હતી.
આત્મનિર્ભર ભારતના રસ્તા પર જવાનો પ્લાન
24 વર્ષીય યુવતીએ ઘણી સ્પર્ધાત્મક પરીક્ષાઓમાં ભાગ લીધો અને નોકરી મેળવવા માટે પોતાનુ નસીબ અજમાવ્યું. પરંતુ જ્યારે તે નિષ્ફળ થઇ તો તેણે આત્મનિર્ભર ભારતના રસ્તા પર જવાનો નિર્ણય કર્યો. પ્રિયંકા જે પૂર્ણિયા જિલ્લામાંથી છે અને તેના બે નાના ભાઈ છે. તે તેની દુકાન પર મસાલા, ચોકલેટ અને પાન ચા 20 રૂપિયા, કુલ્હડ ચા 15 રૂપિયા અને કુકીજ 10 રૂપિયામાં વેચતી હતી.
