Oscar Awards 2023 / ઑસ્કર ઍવોર્ડમાં ભારતનો ડંકો વાગ્યો: બેસ્ટ ડૉક્યુમેન્ટ્રી શોર્ટ ફિલ્મનો મળ્યો ઍવોર્ડ, નાટુ-નાટુ ગીત પર ઝૂમી ઉઠ્યા સ્ટાર્સ

• ઑસ્કર ઍવોર્ડ 2023ની શરૂઆત 
• દુનિયાભરના સ્ટાર્સ પહોંચ્યા 
• RRR ફિલ્મ બાજી મારે તેવી ફેન્સને આશા 

95માં ઑસ્કર ઍવોર્ડની ધમાકેદાર શરૂઆત થઈ ગઈ છે. લોસ એન્જલિસમાં ફંક્શનનું આયોજન કરવામાં આવ્યું છે અને એક બાદ એક અનેક કાર્યક્રમો થઈ રહ્યા છે. દુનિયાભરથી ટીવી અને ફિલ્મોની દુનિયાના સિતારાઓ પહોંચી ગયા છે, ભારત તરફથી દિપીકા પાદુકોણ પણ સામેલ થવા માટે પહોંચી છે. 

આ વખતે ભારત માટે ઓસ્કર ઍવોર્ડ ખૂબ ખાસ છે કારણ કે RRR ફિલ્મને બેસ્ટ ઓરિજિનલ સોંગ કેટેગરીમાં નોમિનેશન મળ્યું છે. આ કેટેગરીમાં ભારત તરફથી આ પહેલા કોઈ જ ફિલ્મને નોમિનેશન મળ્યું નથી. ફેન્સને આશા છે કે ઍવોર્ડમાં RRR વિનર બનશે. 

બેસ્ટ ડોક્યુમેન્ટરી શોર્ટ ફિલ્મ 
ઓસ્કર ઍવોર્ડમાં ભારતનું પણ ખાતું ખૂલી ગયું છે, પ્રોડ્યુસર ગુણિત મોંગાની શોર્ટ ફિલ્મ ધ એલિફન્ટ વ્હીસ્પર્સને બેસ્ટ ડોક્યુમેન્ટરીનો ઍવોર્ડ મળ્યો છે. 

India's 'The Elephant Whisperers' wins #Oscars award for the Best Documentary Short Film#Oscars2023 pic.twitter.com/SoXe7VnqVB

— ANI (@ANI) March 13, 2023

જોકે મહત્વનું છે કે ભારતની ડોક્યુમેન્ટરી ઓલ ધેટ બ્રિધ્સ રેસમાં હતી પરંતુ ઍવોર્ડ જીતી શકી નથી, જેનાથી આશા લગાવીને બેઠેલા ફેન્સને મોટો ઝટકો લાગ્યો હતો. 

નાટુ-નાટુ ગીત પર ઝૂમી ઉઠ્યા સ્ટાર્સ 
ઍવોર્ડ ફંક્શનમાં સિંગર કાલ ભૈરવ અને રાહુલે મંચ પર જ લાઈવ પરફોર્મન્સ આપ્યું અને દુનિયાભરમાં મોટા મોટા સિતારાઓ આ ગીત આફરીન થઈ ગયા. પરફોર્મન્સ જોવા માટે ઉપસ્થિત ઘણા બધા સિતારાઓ ખુદ પણ થીરકવા લાગ્યા હતા અને તે બાદ સ્ટેન્ડિંગ ઓવેશન પણ આપ્યું. 
 

Here's the energetic performance of "Naatu Naatu" from #RRR at the #Oscars. https://t.co/ndiKiHeOT5 pic.twitter.com/Lf2nP826c4

— Variety (@Variety) March 13, 2023