અકસ્માત / VIDEO : ઝાડ સાથે ટકરાતાં બસનો કચ્ચરઘાણ, 6થી વધુ લોકોના મોત, ઘણા ઘાયલ

છત્તીસગઢના માનેન્દ્રગઢ-કેલ્હારી રોડ પર પહરહંસવાહી નજીક એક ભયાનક અકસ્માતમાં છ મુસાફરોના મોત થયા છે અને 15 ઘાયલ થયા છે. માનેન્દ્રગઢથી કેલ્હારી જઈ રહેલી પેસેન્જર બસે કાબુ ગુમાવ્યો અને રસ્તાની બાજુમાં આવેલા ઝાડ સાથે અથડાઈ ગઈ. ટક્કર એટલી ગંભીર હતી કે અકસ્માત સ્થળે અફડાતફડી મચી ગઈ હતી. અકસ્માતની માહિતી મળતાં જ સ્થાનિક રહેવાસીઓ અને પોલીસ વહીવટીતંત્રે તાત્કાલિક રાહત અને બચાવ કામગીરી શરૂ કરી દીધી હતી.

15 ઘાયલોને માનેન્દ્રગઢ હોસ્પિટલમાં ખસેડાયા

ઘટનાના સમાચાર મળતાં જ પોલીસ અને આરોગ્ય વિભાગની સંયુક્ત ટીમ ઘટનાસ્થળે પહોંચી ગઈ. બચાવ કાર્યકરોએ એમ્બ્યુલન્સનો ઉપયોગ કરીને તાત્કાલિક તમામ 15 ઘાયલોને માનેન્દ્રગઢ હોસ્પિટલમાં ખસેડ્યા, જ્યાં તેમની સારવાર ચાલી રહી છે.

#Chhattisgarh- A passenger bus met with an accident near Pahadihanswahi on the Manendragarh-Kelhari route. Reports indicate that 6 people have died in the incident so far, while 15 injured passengers have been taken to the hospital by ambulance. https://t.co/gyJCzSYE3T

— Siraj Noorani (@sirajnoorani) October 22, 2026

અકસ્માત પછી તરત જ, એવું કહેવામાં આવ્યું હતું કે બસ ડ્રાઇવર સહિત બે લોકોના ઘટનાસ્થળે જ મોત થયા હતા, પરંતુ બાદમાં મૃત્યુઆંક વધીને છ થઈ ગયો. સબ-ડિસ્ટ્રિક્ટ મેજિસ્ટ્રેટ શશી શેખર મિશ્રાએ હોસ્પિટલ પહોંચીને ઘાયલોની સ્થિતિનો તાગ મેળવ્યો અને અધિકારીઓને જરૂરી વ્યવસ્થા કરવા સૂચના આપી. પોલીસ અધિક્ષક રત્ના સિંહ પણ કેલ્હારી હોસ્પિટલ પહોંચ્યા અને કેસની માહિતી લીધી અને રાહત કાર્યની સમીક્ષા કરી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ