ગાંધીનગર / વિધાનસભા ચૂંટણી પહેલા ગુજરાતમાં 22 ડેપ્યુટી કલેક્ટરની બદલી, મહેસૂલ વિભાગે બહાર પાડ્યો ઓર્ડર

ગુજરાતમાં 2027ની સાલમાં વિધાનસભાની ચૂંટણી યોજાવાની છે. એ પહેલા ગુજરાત સરકારે એક મોટો વહિવટીય ફેરફાર કર્યો છે. મહેસૂલ વિભાગે ગુરુવારે મોડી સાંજે 22 ડેપ્યુટી કલેક્ટરની બદલીના આદેશ જારી કર્યાં હતા.

22 ડેપ્યુટી કલેક્ટરોની બદલી

મહેસૂલ વિભાગ દ્વારા બહાર પાડવામાં આવેલા આદેશ પ્રમાણે, બદલી કરવામાં આવેલા તમામ 22 ડેપ્યુટી કલેક્ટરોને નાયબ જિલ્લા ચૂંટણી અધિકારી તરીકેની મહત્વપૂર્ણ જવાબદારી સોંપવામાં આવી છે. સાથે તમામને વહેલી તકે નવી જગ્યાનું કામકાજ સંભાળી લેવાનો પણ આદેશ આપ્યો છે.

કયા જિલ્લાઓમાં બદલી?

મહેસૂલ વિભાગ દ્વારા જાહેર કરાયેલા આદેશમાં અમરેલી, આણંદ, અરવલ્લી, છોટાઉદેપુર, દાહોદ, દેવભૂમિ દ્વારકા, ગાંધીનગર, ગીર સોમનાથ, જામનગર, જૂનાગઢ, ખેડા, મહીસાગર, મહેસાણા, નર્મદા, નવસારી, પંચમહાલ, પોરબંદર, સાબરકાંઠા, તાપી, વડોદરા અને વલસાડ સહિતના જિલ્લાઓમાં ડેપ્યુટી કલેક્ટરની નિયુક્તી કરવામાં આવી છે.

વધુ વાંચો : 'બહેન સાથે કેમ પ્રેમસંબંધ રાખે છે' વાવમાં યુવકે દારૂમાં નશાની ગોળીઓ નાખી ટૂંપો આપી દોસ્તની કરી હત્યા

2027ની વિધાનસભા ચૂંટણીને ધ્યાનમાં રાખીને કરાઈ બદલી

આ બદલીઓ પાછળનું મુખ્ય કારણ આગામી સમયમાં યોજાનારી ગ્રામ પંચાયત અને વિધાનસભાની સામાન્ય ચૂંટણીઓની પૂર્વતૈયારીઓ છે. આ ઉપરાંત, મતદાર યાદી સુધારણાની કામગીરી અત્યંત મહત્વની હોય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ