મનોરંજન / ઓછા બજેટમાં ₹450 કરોડની કમાણી! 'હનુમાન અંશ' બાદ બોલિવૂડને મળી નવી હિટ ફોર્મ્યુલા, લાઇનમાં અનેક ફિલ્મો

બોલીવુડમાં આ દિવસોમાં ભક્તિ અને સંતોની કથાઓનો નવો યુગ શરૂ થતો દેખાઈ રહ્યો છે. કેમ છે ફિલ્મ ‘હનુમાન અંશ’ની અદ્ભુત સફળતા. નીમ કરોલી બાબાના જીવનથી પ્રેરિત આ ફિલ્મ માત્ર બે કરોડથી પણ ઓછા બજેટમાં બની હતી, પરંતુ વિશ્વભરમાં 450 કરોડથી વધુની કમાણી કરી ચૂકી છે. 7 ઓગસ્ટે રિલીઝ થયેલી આ ફિલ્મની સફળતાએ ફિલ્મમેકર્સને એવોહૌસલો આપ્યો છે કે હવે સંત મહાત્માઓની જીવનકથાઓ મોટા પડદા પર લાવવાની તૈયારીઓ ઝડપી બની છે.

‘હનુમાન અંશ’ના ડાયરેક્ટર ડૉ. વિશાલ ચતુર્વેદીએ હવે ગોસ્વામી તુલસીદાસના જીવન પર આધારિત ફિલ્મ ‘રામબોલા’નું એલાન કર્યું છે. રસપ્રદ વાત એ છે કે ફિલ્મમેકર ચંદ્રપ્રકાશ દ્વિવેદી પણ આ જ નામથી તુલસીદાસ પર ફિલ્મ બનાવવાની ઘોષણા કરી ચૂક્યા છે. આમ એક જ સંતની કથા પર બે ફિલ્મો આવવાથી દર્શકોની ઉત્સુકતા વધી શકે છે.

સંત રવિદાસ પર આધારિત ‘રૈદાસ એક વિચાર’ ફિલ્મમેકર અભિષેક સિંહ બનાવી રહ્યા છે. આ ફિલ્મમાં મીરાબાઈ સાથે જોડાયેલો મોટો ભાગ પણ જોવા મળશે. ડાયરેક્ટરના જણાવ્યા અનુસાર શૂટિંગ મે 2027માં શરૂ કરવાની યોજના છે.

‘દ તાજ સ્ટોરી’ના દિગ્દર્શક તુષાર અમરીશ ગોયલ હવે સ્વામી હરિદાસના જીવન પર ફિલ્મ બનાવવાની તૈયારીમાં છે. સ્વામી હરિદાસનો સંબંધ વૃંદાવનના બાંકે બિહારી મંદિર સાથે માનવામાં આવે છે. આ ફિલ્મની શૂટિંગ 2027ની શરૂઆતમાં વૃંદાવનમાં થઈ શકે છે.

પલાશ મુચ્છલની ફિલ્મ ‘તેરા સાઈં’ પણ ચર્ચામાં છે, જેમાં સંજય મિશ્રા સાઈં બાબાની ભૂમિકા નિભાવી રહ્યા છે. ફિલ્મમાં સયાજી શિંદે, મનોજ જોશી, અવિકા ગોર અને રોહન મેહરા સહિત અનેક કલાકારો જોવા મળશે. હિન્દી, મરાઠી, તેલુગુ અને તમિલમાં બનતી આ ફિલ્મ ફેબ્રુઆરી 2027માં રિલીઝ થવાની છે.

ડાયરેક્ટર આદિત્ય ઓમ તેમની 2025ની ફિલ્મ ‘સંત તુકારામ’ને ફેબ્રુઆરીમાં ફરીથી સિનેમાઘરોમાં લાવવાની યોજના બનાવી રહ્યા છે. ફિલ્મમાં સુબોધ ભાવેએ મુખ્ય ભૂમિકા નિભાવી હતી. કાનૂની અડચણોને કારણે અગાઉની રિલીઝ અસરગ્રસ્ત થઈ હતી.

વધુ વાંચો : 'હનુમાન અંશ'ની સફળતાની અસર, હવે રાધા-કૃષ્ણની ભવ્ય ફિલ્મ બનાવશે કરણ જોહર? સામે આવી મોટી અપડેટ

‘હનુમાન અંશ’ની સફળતાએ ઇન્ડસ્ટ્રીને બતાવ્યું છે કે સંતો અને આધ્યાત્મિક વ્યક્તિઓની કથાઓમાં દર્શકોની રુચિ હોઈ શકે છે. પરંતુ ટ્રેડ એનાલિસ્ટ કોમલ નાહટાનું કહેવું છે કે માત્ર કોઈ સ્તાઈલની સફળતા જોઈને એ જ પ્રકારની ફિલ્મો બનાવવાથી દરેક ફિલ્મ હિટ નથી થતી. આખરે સ્ટોરી અને દર્શકો સાથેનો તેનો જોડાણ જ સૌથી મહત્વનું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ