6 ફોટો ગેલેરી

ધર્મ / દિવાળી ક્યારે છે? 8 કે 9 નવેમ્બર, જાણી લો સાચી તારીખ અને લક્ષ્મી પૂજાનું શુભ મુહૂર્ત

Last Updated: 12:02 AM, 23 October 2026

FOLLOW ON

શેર કરો

આ વર્ષે 8 નવેમ્બર, રવિવારના રોજ દિવાળીનો તહેવાર ઉજવવામાં આવશે, જેના માટે લક્ષ્મી પૂજાના શ્રેષ્ઠ મુહૂર્ત અને પૂજન વિધિની સંપૂર્ણ વિગતો જાહેર થઈ ગઈ છે.

1/6

1. દિવાળી ક્યારે છે? 8 કે 9 નવેમ્બર, જાણી લો સાચી તારીખ અને લક્ષ્મી પૂજાનું શુભ મુહૂર્ત

હિન્દુ ધર્મના સૌથી મોટા અને પવિત્ર તહેવારોમાં દિવાળીનું સ્થાન સર્વોપરી છે. રોશની, ખુશાલી અને સમૃદ્ધિનો આ મહાપર્વ દર વર્ષે કાર્તિક મહિનાની અમાવસ્યા તિથિ પર ઉજવવામાં આવે છે. ધાર્મિક માન્યતા અનુસાર, આજ પવિત્ર તિથિ પર ભગવાન શ્રી રામ, માતા સીતા અને લક્ષ્મણજી સાથે 14 વર્ષનો વનવાસ પૂરો કરીને અયોધ્યા પાછા ફર્યા હતા. ત્યારે અયોધ્યાવાસીઓએ સમગ્ર નગરને દીવાઓથી ભવ્ય રીતે શણગાર્યું હતું. ત્યારથી જ દીપોત્સવનો આ શુભ તહેવાર ઉજવવાની પરંપરા ચાલી આવી રહી છે. આ દિવસે વિધિ-વિધાન સાથે માતા લક્ષ્મી અને ભગવાન ગણેશની પૂજા-અર્ચના કરવામાં આવે છે. એવી લોકવાયકા છે કે દીવાળીની દિવ્ય રાત્રે જે લોકો સાચા ભાવથી માતા લક્ષ્મી અને ભગવાન ગણેશની પૂજા કરે છે, તેમના ઘરમાં ક્યારેય અન્ન અને ધનની અછત સર્જાતી નથી. જો કે, આ વખતે દિવાળીની સાચી તારીખને લઈને લોકોમાં થોડી મૂંઝવણ જોવા મળી રહી છે, કારણ કે કેટલાક લોકો 8 નવેમ્બર તો કેટલાક 9 નવેમ્બરના રોજ દિવાળી હોવાનું જણાવી રહ્યા છે. આવો જાણીએ સાચી તિથિ અને શુભ મુહૂર્ત વિશે.

આ તસવીર શેર કરો

2/6

2. દિવાળી 2026 ની સાચી તિથિ

હિન્દુ પંચાંગની ગણતરી મુજબ, આ વર્ષે કાર્તિક માસની અમાવસ્યા તિથિ 8 નવેમ્બરના રોજ સવારે 11:28 વાગ્યે શરૂ થશે. આ તિથિનું સમાપન 9 નવેમ્બરના રોજ બપોરે 12:32 વાગ્યે થશે. ઉદય તિથિ અને પ્રદોષ કાળના વિશેષ સંયોજનને ધ્યાનમાં રાખતા દિવાળીનો આ પવિત્ર તહેવાર 8 નવેમ્બર અને રવિવારના રોજ ઉજવવામાં આવશે.

આ તસવીર શેર કરો

3/6

3. દિવાળી પર લક્ષ્મી પૂજાના શુભ મુહૂર્ત

લક્ષ્મી પૂજા માટેનો સર્વશ્રેષ્ઠ સમય: સાંજે 5:54 વાગ્યાથી 7:50 વાગ્યા સુધી, પ્રદોષ કાળ મુહૂર્ત: સાંજે 5:41 વાગ્યાથી રાત્રે 8:17 વાગ્યા સુધી, નિશિતા કાળ મુહૂર્ત: રાત્રે 11:44 વાગ્યાથી રાત્રે 12:36 વાગ્યા સુધી.

આ તસવીર શેર કરો

4/6

4. દિવાળી પૂજા માટેની જરૂરી સામગ્રી

દિવાળીની રાત્રે પૂજા શરૂ કરતા પહેલા તમામ જરૂરી પૂજા સામગ્રી અગાઉથી જ તૈયાર કરી લેવી જોઈએ. જેમાં માતા લક્ષ્મી અને ભગવાન ગણેશની મૂર્તિ, પૂજા માટેનો પાટલો, લાલ વસ્ત્ર, રોલી, કુમકુમ, ચંદન અને અક્ષત (ચોખા) નો સમાવેશ થાય છે. આ સિવાય પાન, સોપારી, પંચામૃત, નાળિયેર, ગંગાજળ, કળશ, આંબાના પાંદડા, મૌલી અને જનેઈની આવશ્યકતા રહેશે. પૂજા માટે ફૂલો, ફળો, દૂર્વા, ધૂપ, કપૂર, દીવો અને રૂ ની વાટ પણ સાથે રાખવી. પૂજામાં ખીલ, બતાશા અને વિવિધ મીઠાઈઓ પણ અર્પણ કરવામાં આવે છે.

આ તસવીર શેર કરો

5/6

5. દિવાળી પર લક્ષ્મી-ગણેશ પૂજન વિધિ

દિવાળીની સાંજે સૌથી પહેલા પૂજા માટેનો પાટલો તૈયાર કરો. તેના ઉપર લાલ રંગનું વસ્ત્ર પાથરો અને રોલીની મદદથી સ્વસ્તિકનું પ્રતીક બનાવો. પૂજા સ્થાન પર પવિત્ર ગંગાજળનો છંટકાવ કરો. પૂજા કરતી વખતે તમારું મુખ પૂર્વ કે ઉત્તર દિશા તરફ રાખવું. ત્યારબાદ પાટલા પર ભગવાન ગણેશ અને માતા લક્ષ્મીની મૂર્તિની સ્થાપના કરો. પાટલાની બાજુમાં કળશની સ્થાપના કરવી. કળશમાં પવિત્ર જળ ઉપરાંત સોપારી, સિક્કો અને હળદરની ગાંઠ અવશ્ય પધરાવો. ત્યારબાદ એક અખંડ દીવો પ્રજ્વલિત કરો.

આ તસવીર શેર કરો

6/6

6. ભગવાન ગણેશ અને માતા લક્ષ્મીના મંત્ર જાપ કરો

હવે ભગવાન ગણેશ અને માતા લક્ષ્મીને ગંગાજળથી સ્નાન કરાવો. ત્યારબાદ તેમને ચંદન, અક્ષત, ફૂલ, પાન અને ફળ અર્પણ કરો. ખીલ, બતાશા અને મિઠાઈનો ભોગ ધરો. આ પછી ભગવાન ગણેશ અને માતા લક્ષ્મીના મંત્ર જાપ કરો. શાસ્ત્રોક્ત વિધિ-વિધાન સાથે પૂજા સંપન્ન કરો. અંતમાં માતા લક્ષ્મી અને ભગવાન ગણેશની આરતી ઉતારો અને પરિવારમાં સુખ, સમૃદ્ધિ તેમજ ખુશાલી જળવાઈ રહે તેવી હાર્દિક કામના કરો.

આ તસવીર શેર કરો

સંકળાયેલા મુદ્દાઓ

LakshmiPuja Diwali2026 DiwaliFestival