ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / ટેક અને ઓટો / 343 કિમીની રેન્જ અને 155 ની સ્પીડ: દમદાર ફીચર્સ સાથે નવી ઇલેક્ટ્રિક બાઈક 'એક્સ-47 વેનમ' લૉન્ચ
5 ફોટો ગેલેરી
Last Updated: 10:16 PM, 22 October 2026
FOLLOW ON
શેર કરો
1/5
દેશી ઇલેક્ટ્રિક ટુ-વ્હીલર ઉત્પાદક કંપની અલ્ટ્રાવાયોલેટે ભારતીય બજારમાં પોતાની તદ્દન નવી ઇલેક્ટ્રિક બાઈક 'એક્સ-47 વેનમ' (X-47 Venom) સત્તાવાર રીતે લૉન્ચ કરી દીધી છે. કંપનીએ આ દમદાર બાઈકમાં બે બેટરી પૅકનો વિકલ્પ આપ્યો છે, જેની દાવો કરાયેલી રેન્જ 343 કિલોમીટર સુધીની છે. આ શાનદાર ઇલેક્ટ્રિક બાઈક 155 કિલોમીટર પ્રતિ કલાકની ટૉપ સ્પિડ સાથે બજારમાં ઉતારવામાં આવી છે. કંપનીએ આ વાહનને તેના અત્યાધુનિક નવા પ્લેટફોર્મ પર તૈયાર કર્યું છે.
આ તસવીર શેર કરો
2/5
અલ્ટ્રાવાયોલેટ ઓટોમોટિવ દ્વારા લૉન્ચ કરવામાં આવેલી આ નવી ઇલેક્ટ્રિક બાઈક અદભુત ફીચર્સથી સજ્જ છે. તેને કંપનીના આગામી પેઢીના વીએક્સ-100 આર્કિટેક્ચર પર વિકસાવવામાં આવી છે. કંપની ભવિષ્યમાં આવનારા પોતાના પ્રોડક્ટ્સમાં પણ આ જ પ્લેટફોર્મનો ઉપયોગ કરશે. નવા વીએક્સ100 પ્લેટફોર્મની વિશેષતા એ છે કે કંપનીએ બેટરી, મોટર અને કંટ્રોલરમાં યોગ્ય બદલાવ કરીને બાઈકનું વજન ઘટાડ્યું છે તેમજ તેની કાર્યક્ષમતામાં પણ વધારો કર્યો છે. આ મોટરસાઇકલનું કુલ વજન અંદાજે 180 કિલોગ્રામ જેટલું છે. ગઈ પેઢીના મૉડેલની સરખામણીમાં આ બાઈકનું વજન 20 કિલોગ્રામ ઓછું છે. કંપનીનું કહેવું છે કે નવું બેટરી પૅક 15 ટકા હલકું છે અને 25 ટકા વધુ એનર્જી ડૅન્સિટી પ્રદાન કરે છે. આમાં નવી લાઇટ ફ્યૂરી મોટર આપવામાં આવી છે, જે 9000 આરપીએમ સુધી ઓપરેટ કરે છે અને સૉફ્ટ મૅગ્નેટ કમ્પોનન્ટ્સ સાથે આવે છે.
આ તસવીર શેર કરો
ADVERTISEMENT
3/5
કંપનીએ અલ્ટ્રાવાયોલેટ એક્સ-47 વેનમ બાઈકને 2.65 લાખ રૂપિયાની પ્રારંભિક કિંમતે બજારમાં ઉતારી છે. આ ખાસ કિંમત માત્ર શરૂઆતની 5000 યુનિટ્સ માટે જ લાગુ રહેશે. ત્યારબાદ આ બાઈકની નિયમિત કિંમત 3 લાખ રૂપિયા થઈ જશે. એટલે કે હાલમાં કંપની ગ્રાહકોને 35 હજાર રૂપિયાનો વિશેષ ફાયદો આપી રહી છે. આ કિંમત બાઈકના 7kWh બેટરી વાળા વેરિયન્ટની છે. જો કે, કંપનીએ હજુ સુધી 11kWh બેટરી વાળા વેરિયન્ટની કિંમતો જાહેર કરી નથી. આ બાઈક માટેની બુકિંગ પ્રક્રિયા 22 ઓક્ટોબરથી શરૂ કરી દેવામાં આવી છે, જ્યારે તેની ડિલિવરી આગામી નવેમ્બર મહિનામાં શરૂ થશે.
આ તસવીર શેર કરો
4/5
અલ્ટ્રાવાયોલેટ એક્સ-47 વેનમ બે અલગ-અલગ બેટરી વિકલ્પોમાં ઉપલબ્ધ છે. તેમાં 7kWh અને 11kWh ની બેટરી મળે છે, જેમાં ટોપ વેરિયન્ટની ક્લેમ્ડ રેન્જ 343 કિલોમીટર સુધીની છે. જો કે, કંપનીએ 7kWh વાળા બેટરી વેરિયન્ટની રેન્જ વિશે હજુ કોઈ ખુલાસો કર્યો નથી. આમાં 30kW ની શક્તિશાળી મોટર આપવામાં આવી છે.
આ તસવીર શેર કરો
ADVERTISEMENT
5/5
કંપનીનો દાવો છે કે આ બાઈક માત્ર 2.7 સેકન્ડમાં જ 0 થી 60 કિલોમીટર પ્રતિ કલાકની ઝડપ પકડી લે છે. જ્યારે 0 થી 100 કિલોમીટર પ્રતિ કલાકની સ્પીડ પકડવામાં તેને 5.9 સેકન્ડનો સમય લાગે છે. આ બાઈક 12kW સુધીની ડીસી ચાર્જિંગ સપોર્ટ સાથે બજારમાં આવી છે અને તેની મહત્તમ ઝડપ 155 કિલોમીટર પ્રતિ કલાકની છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
જોવા જેવું
ટોપ સ્ટોરીઝ
