ઓપરેશન સિંદૂર / VIDEO : 'પાકિસ્તાનને ધૂળ ચાટતું કરી દીધું', આર્મીએ બહાર પાડ્યો ઓપરેશન સિંદૂરનો નવો વીડિયો

Opration Sindoor : ભારતીય સેનાના પશ્ચિમી કમાન્ડે ઓપરેશન સિંદૂરનો એક નવો વિડીયો બહાર પાડ્યો છે . આ વીડિયોમાં સેના પાકિસ્તાનના ડ્રોન હુમલાનો યોગ્ય જવાબ આપતી જોવા મળે છે. આર્મીએ આ વીડિયો જાહેર કર્યો અને લખ્યું કે, અમે ધરતીથી આકાશની સુરક્ષા કરીએ છીએ. આ વીડિયોમાં જોઈ શકાય છે કે, કેવી રીતે ભારતીય સેનાએ પાકિસ્તાન તરફથી કરવામાં આવેલા ગોળીબારનો જવાબ આપ્યો અને દુશ્મન ચોકીઓને નષ્ટ કરી દીધી. સેના દ્વારા ઓપરેશન સિંદૂર સંબંધિત વીડિયો સતત શેર કરવામાં આવી રહ્યા છે.

આ 53 સેકન્ડના વીડિયોમાં સેનાની બહાદુરી અને હિંમત સ્પષ્ટ દેખાય છે. વીડિયોમાં જોઈ શકાય છે કે ભારતીય સેના પાકિસ્તાન દ્વારા કરવામાં આવી રહેલા ડ્રોન હુમલાનો યોગ્ય જવાબ આપી રહી છે. સેનાએ એક વીડિયો જાહેર કર્યો અને લખ્યું, "અમે દુશ્મનોનો નાશ કરવાનું કામ કર્યું." ગયા રવિવારે (18 મે) ઓપરેશન સિંદૂર સંબંધિત એક વીડિયો પણ શેર કરવામાં આવ્યો હતો, જેમાં પાકિસ્તાનના મિસાઇલ હુમલાને રોકવા માટે જવાબી કાર્યવાહી કરવામાં આવી રહી છે. આ વીડિયોમાં જોરદાર વિસ્ફોટો સ્પષ્ટપણે જોઈ શકાય છે.

ભારતે લીધો પહેલગામ હુમલાનો બદલો

22 એપ્રિલના રોજ જમ્મુ અને કાશ્મીરના પહેલગામમાં આતંકવાદીઓએ 26 પ્રવાસીઓની ગોળી મારીને હત્યા કરી હતી. આ હુમલામાં એક નેપાળી પ્રવાસીએ પણ જીવ ગુમાવ્યો હતો. આ પછી 6-7 મેની રાત્રે ભારતે વળતો હુમલો કર્યો અને Pokમાં નવ આતંકવાદી ઠેકાણાઓને નિશાન બનાવ્યા અને તેમને સંપૂર્ણપણે નષ્ટ કરી દીધા જેમાં 100 થી વધુ આતંકવાદીઓ માર્યા ગયા. આ જોઈને પાકિસ્તાન ગુસ્સે ભરાયું અને 7 થી 10 મે ની વચ્ચે તેણે ભારત પર ડ્રોન અને મિસાઈલથી શ્રેણીબદ્ધ હુમલાઓ શરૂ કર્યા.

વધુ વાંચો : જાસૂસી કાંડમાં અંતરંગતા! જ્યોતિ મલ્હોત્રાએ પાક. એજન્ટ સાથે આ ઠેકાણે કર્યું ચોંકાવનારું કામ, ભારે હેરાની

ભારતે પણ પાકિસ્તાનના હુમલાનો જવાબ આપ્યો અને તેના 11 એરબેઝનો નાશ કર્યો. 10 મેની સાંજે બંને દેશો વચ્ચે યુદ્ધવિરામ કરાર થયો હતો પરંતુ પાકિસ્તાન ત્યારે પણ અટક્યું નહીં. તે રાત્રે પણ પાકિસ્તાને ડ્રોન અને મિસાઇલોથી ભારત પર હુમલો કર્યો પરંતુ તેના ઇરાદા સફળ થયા નહીં.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ