કોરોના સંકટમાં જો તમને અચાનક પૈસાની જરૂર પડી જાય તો ચિંતા ન કરતાં, કારણ કે દેશની સૌથી મોટી બેંસ સ્ટેટ બેંક ઓફ ઈન્ડિયા (SBI) તેના ગ્રાહકોને ઘરે બેઠા પર્સનલ લોન આપી રહી છે. તમે ઘરે બેઠા ઓનવાઈન પ્રી-અપ્રૂવ્ડ પર્સનલ લોન લઈ શકો છો. તમારું આ કામ માત્ર 4 જ સ્ટેપમાં થઈ જશે. તમે તમારી જરૂર પ્રમાણે 24X7 આ લોન મેળવી શકો છો. તમે એસબીઆઈની યોનો એપની મદદથી માત્ર 4 સ્ટેપમાં લોન મેળવી શકો છો.
અચાનક પૈસાની જરૂર પડે તો આ બેંક આપી રહી છે લોન
24*7 તમે પૈસા મેળવી શકો છો
માત્ર 4 સ્ટેપમાં લોન મેળવી શકો છો
એસબીઆઈએ ટ્વીટ કરીને જણાવ્યું છે કે, તમને કેટલી લોન મળી શકે છે તે જાણવા માટે તમે એસએમએસ કરી શકો છો. તેના માટે તમારે તમારા રજિસ્ટર્ડ મોબાઇલ નંબરથી PAPL<space><last 4 digits of Account No.> લખીને 567676 પર એસએમએસ કરવું પડશે. અત્યારે બેંક લોન કેટલાક નક્કી કરાયેલાં પેરામીટર્સના આધારે આપવામાં આવી રહી છે.
It only takes 4 clicks to apply for a Pre-Approved Personal Loan via #YONOSBI. Offered only to select customers of the Bank.
— State Bank of India (@TheOfficialSBI) June 27, 2020
આ લોનની પ્રોસેસિંગ ફીસ બહુ ઓછી છે. સાથે જ લોન મેળવવા માટે તમારે રાહ નહીં જોવી પડે. એસબીઆઈની આ લોનની પ્રોસેસ ઈન્સ્ટન્ટ થાય છે. આ સિવાય આ લોન મેળવવા માટે કોઈપણ પ્રકારના ફિઝિકલ ડોક્યૂમેન્ટ્સની જરૂર પડતી નથી. ગ્રાહકોને 24 * 7 આ લોનની સુવિધા મળે છે.
કેવી રીતે અરજી કરવી
સૌથી પહેલાં બેંકની યોનો એપ્લિકેશન પર લોગ ઇન કરો. ત્યારબાદ Avail Nowઓપ્શન પર ક્લિક કરો. પછી લોનની અવધિ અને રકમ પસંદ કરવી પડશે. છેલ્લે તમે તમારા રજિસ્ટર કરેલાં મોબાઇલ નંબર પર મોકલેલો ઓટીપી નાખો અને બસ પછી રકમ આવી જશે.