- સેનાએ જમ્મુ બસ સ્ટેન્ડ નજીકથી 7 કિલો આઈઈડી વિસ્ફોટક પદાર્થ ભરેલી બેગ ઝડપી
- બાતમીને આધારે પોલીસ અને સુરક્ષા દળોએ છટકુ ગોઠવીને આતંકીની ધરપકડ કરી
- અલ બદર આતંકી સંગઠનના સભ્ય સુહૈલ બશીરની ધરપકડ
સુરક્ષા દળોને જમ્મુ બસ સ્ટેન્ડ નજીકના કેસી ચોકમાંથી 7 કિલો આઈઈડી વિસ્ફોટક પદાર્થ ભરેલી બેગ મળી આવી હતી. પોલીસે કેસી ચોકમાંથી દક્ષિણ કાશ્મીરના પુલવામા જિલ્લાના રહેવાશી અને અલ બદર આતંકી સંગઠનના સભ્ય સુહૈલ બશીરની ધરપકડ કરી છે. જમ્મુ કાશ્મીર પોલીસે જણાવ્યું કે, જમ્મુના રઘુનાથ મંદિર, રેલવે સ્ટેશન પર IED બ્લાસ્ટનું ષડયંત્ર હતું.
આતંકી સુહૈલ બશીરની ધરપકડ
સામાન્ય દિવસોમાં જમ્મુ બસ સ્ટેન્ડ પ્રવાસીઓથી અવરજવરથી ધમધમતું હોય છે પરંતુ વિસ્ફોટની સમયસરની જપ્તીએ મોટી જાનહાની ટાળી દીધી છે. નામ ન આપવાની શરત જમ્મુ પોલીસના સિનિયર અધિકારીએ કહ્યું કે અમને બાતમી મળી હતી કે બસ સ્ટેન્ડ પર 7 કિલો વિસ્ફોટક પદાર્થ સાથે એક શખ્સ આવી રહ્યો છે. બાતમીને આધારે અમે છટકુ ગોઠવીને વિસ્ફોટક પદાર્થ સાથે શખ્સની ધરપકડ કરી લીધી હતી.
જમ્મુ ઝોન આઈજીપી મુકેશસિંહે મીડિયાને સંબોધિત કરતા જણાવ્યું કે ધરપકડ કરવામાં આવેલો શખ્સ સુહેલ સિંહ પુલવામાનો રહેવાશી છે.
હજુ એક દિવસ પહેલા સુરક્ષા દળોએ સામ્બા જિલ્લામાના બારી વિસ્તારમાંથી બે ટોચના આતંકીઓને ઝડપી પાડ્યાં હતા. ગત વર્ષે સાઉથ કાશ્મીરમાં ભાજપના 3 કાર્યકરો અને એક પોલીસકર્મીની હત્યાનો મોસ્ટ વોન્ટેડ અને ટીઆરએફના ટોચના આતંકી ઝહૂર અહેમદ રાથેરની પણ ધરપકડ કરવામાં આવી હતી.
.jpg)
લશ્કરના ટોચના કમાન્ડરની ધરપકડ
જમ્મુ કાશ્મીરના ડિરક્ટર જનરલ ઓફ પોલીસ દિલબાગ સિંહે કહ્યું કે જૈશ એ મોહમ્મદ સાથે સંકળાયેલા લશ્કર એ મુસ્તફાના કમાન્ડરની પણ તાજેતરમાં ધરપકડ થઈ છે. તેમણે કહ્યું કે જમ્મુમાં ઘણા આતંકી ઠેકાણાઓને શોધી કાઢીને નષ્ટ કરાયા છે. આતંકીઓને પાકિસ્તાનમાંથી હથિયારો મળે છે અને કાશ્મીર તથા બીજા વિસ્તારમાં આતંકી ગતિવિધિઓ ચલાવવા માટે આ હથિયારોનો ઉપયોગ કરાય છે.
