મોટા સમાચાર / બજરંગ પુનિયાની મુશ્કેલીઓ વધી, NADAએ સસ્પેન્ડ કરતા પેરિસ ઓલિમ્પિકનું સપનું ચકનાચૂર થઈ શકે

Bajrang Punia Suspend : ભારતના સ્ટાર ઓલિમ્પિક મેડલ વિજેતા કુસ્તીબાજ બજરંગ પુનિયાને લઈ સૌથી મોટા સમાચાર સામે આવ્યા છે. વાત જાણે એમ છે કે, કુસ્તીબાજ બજરંગ પુનિયા માટે પેરિસ ઓલિમ્પિકમાં રમવું મુશ્કેલ લાગી રહ્યું છે. 5 મે, રવિવારના રોજ નાડાએ આ સ્ટાર રેસલરને ડોપ ટેસ્ટ ન કરાવવા બદલ કાર્યવાહી કરીને સસ્પેન્ડ કરી દીધા છે. આ કડક પગલાને કારણે બજરંગ પુનિયાના પેરિસ ઓલિમ્પિકમાં રમવા અંગે સસ્પેન્સ વધી ગયું છે.

ઓલિમ્પિક મેડલ વિજેતા બજરંગ પુનિયાને નેશનલ એન્ટી ડોપિંગ એજન્સીએ સસ્પેન્ડ કરી દીધા છે. NADA દ્વારા આ નિર્ણય લેવામાં આવ્યા બાદ હવે તેની પેરિસ ઓલિમ્પિકમાં જવાની આશાને મોટો ફટકો પડ્યો છે. ડોપ સેમ્પલ ન આપવા બદલ NADAએ બજરંગ પુનિયાને સસ્પેન્ડ કરી દીધા છે. આ વર્ષે માર્ચમાં સોનીપતમાં આયોજિત ટ્રાયલ બાદ બજરંગ પુનિયાએ ડોપ ટેસ્ટ આપ્યો ન હતો.

વધુ વાંચો : વાયુસેનાના કાફલા પર PAFFના આતંકીઓએ હુમલો કર્યો? પૂંછ ટેરેરિસ્ટ એટેકમાં જૈશનું કનેક્શન

હવે જો તેના પર લગાવવામાં આવેલો આ પ્રતિબંધ હટાવવામાં નહીં આવે તો તે પેરિસ ઓલિમ્પિકની અંતિમ ટ્રાયલ્સમાં ભાગ લઈ શકશે નહીં. નોંધનિય છે કે, ભારતીય કુસ્તીબાજ બજરંગ પુનિયાએ ભારત માટે ઓલિમ્પિક બ્રોન્ઝ મેડલ જીત્યો છે. ટોક્યોમાં આયોજિત ઓલિમ્પિક 2020માં તેણે 65 કિગ્રા વજન વર્ગમાં બ્રોન્ઝ મેડલ જીત્યો હતો.