- ઓલાના ઈલેક્ટ્રિક સ્કૂટની કિંમત અને ફિચર્સ જાણો
- ફક્ત 499 રૂપિયામાં કરી શકાશે બુકિંગ
- જાણો દરેક માહિતી
ઓલાએ ઈન્ડિયામાં લાંબા સમયની રાહ બાદ પોતાના ઈલેક્ટ્રિક સ્કૂટરને લોન્ચ કરી દીધુ છે. જેની એક્સ શો રૂમ કિંમત 99,999 રૂપિયા છે. ત્યાં જ ઓલાએ પોતાના s1 ઈલેક્ટ્રિક સ્કૂટરનું PRO વર્જન પણ રાખ્યું છે જેની કિંમત 1.29 લાખ રૂપિયા છે. તમને જણાવી દઈએ કે અમુક સમય પહેલા જ ઘણા રાજ્યની સરકારે ઈલેક્ટ્રિક વ્હીકલ્સ પર સબ્સિડીની જાહેરાત કરી હતી. ત્યાર બાદ ઓલા ઈલેક્ટ્રિક સ્કૂટરને માર્કેટમાં આવવામાં ઘણી મદદ મળી. તેની સાથે જ જો તમે પણ Ola S1 Electric Scooter ને ખરીદવા માંગો છો તો ફક્ત 499 રૂપિયા આપીને તેને બુક કરાવી શકો છો.
Ola S1 Electric Scooterના વેરિએન્ટ
ઓલાએ પોતાના S1 ઈલેક્ટ્રિક સ્કૂટરના 3 વેરિએન્ટ લોન્ચ કર્યા છે. જેમાં બેસિક વેરિએન્ટમાં તમને 2kwની મોટર મળશે જે તમને 45 કિમી પ્રતિ કલાકની રફતાર આપે છે. જ્યાર બાદ મિડલ વેરિએન્ટમાં કંપનીએ 4kwની મોટર આપી છે જે 70kmphની રફતાર આપે છે. ત્યાં જ તેના ટોપ વેરિએન્ટમાં 7kwની મોટર આપવામાં આવી છે જે 95kmphની રફતાર આપે છે.
Ola S1 Electric Scooterની રેન્જ
ઓલા સ્કૂટરને લોન્ચ પહેલા અંદાજ લગાવવામાં આવ્યો હતો કે તે 240 કિમી સુધીની રેન્જ આપે છે જ્યારે ઓલાએ પુષ્ટિ કરી હતી કે સ્કૂટર 150 કિમીની ઓલ-ઈલેક્ટ્રિક રેન્જ આપે છે.
Ola S1 Electric Scooterના ચાર્જિંગ ટાઈમ
S1 ઈલેક્ટ્રિક સ્કૂટરને હાઈપર ચાર્જિંગ સ્ટેશન પર અઢી કલાકમાં ફુલ ચાર્જ કરી શકાય છે. ત્યાં જ કંપનીએ દાવો ક્યો છે કે આ સ્કૂટરને ચાર્જિંગ સ્ટેશન પર ફક્ત 18 મિનિટમાં 50 ટકા ચાર્જ કરી શકાય છે. તેની સાથે જ S1 ઈલેક્ટ્રિક સ્કૂટર ધર પર 5 કલાક 30 મિનિટમાં ચાર્જ થઈ જાય છે.
Ola S1 Electric Scooterના ફિચર
ઓલાએ આ સ્કૂટરમાં 7 ઈંચની ટચસ્ક્રિન ડિસ્પ્લે આપી છે. જે તમને GPS નેવિગેશન આપે છે. ત્યાં જ આ સ્કૂટરમાં 4જી કનેક્ટિવિટી યુટ્યુબ અને કોલિંગ જેવી સુવિધાઓ પણ મળશે. તેની સાથે જ સ્કૂટરનું ઈન્ટેલીજેન્સ તમને સર્વિસ માટે ઈન્ડીકેટ કરે છે. તેની સાથે જ લોન્ચિંગમાં આ વાત કંફર્મ કરવામાં આવી છે કે કંપની આ સ્કૂટરને 10 કલર ઓપ્શનમાં બજારમાં લોન્ચ કર્યા છે.
