કોરોનાનો કહેર / ટોક્યો ઓલમ્પિક્સને પણ લાગ્યું કોરોનાનું ગ્રહણ, 2 ખેલાડીઓ પોઝિટિવ આવતા મચ્યો હાહાકાર

• ટોક્યો ઓલમ્પિક્સ સંકટમાં 
• ટોક્યો ઓલમ્પિક્સ વિલેજમાં બે ખેલાડીને કોરોના
• ટોક્યો ઓલમ્પિક્સના 5 દિવસ પહેલાં કોરોનાનો કહેર 

 
જાપાનની રાજધાની ટોક્યોમાં 23 જુલાઈથી ટોક્યો ઓલમ્પિક્સનો પ્રારંભ થવા જઈ રહ્યો છે. આ સમયે ટોક્યો ઓલમ્પિક્સના 5 દિવસ પહેલા જ કોરોનાનું ગ્રહણ જોવા મળ્યું છે. ઓલિમ્પિકમાં વિલેજમાં બે ખેલાડીઓ કોરોના સંક્રમિત થયા હોવાનું જાણવા મળ્યું છે જેને લઈને અન્ય ખેલાડીઓને પણ આઈસોસેશનમાં રહેવાની સલાહ સ્પોર્ટ્સ ઓથોરિટીએ આપી છે. 
 

First case of COVID19 detected in Tokyo Olympic Village, say organisers: AFP pic.twitter.com/JWvL4yGOrJ

— ANI (@ANI) July 17, 2021

ટેસ્ટિંગની પ્રક્રિયા કરાઈ શરૂ
સ્પોર્ટ્સ ઓથોરિટીએ અન્ય તમામ ખેલાડીઓને આઈસોલેશનમાં રહેવાની સૂચના આપી છે. આ સિવાય ભારતીય ખેલાડીઓને પણ એલર્ટ રહેવા કહ્યું છે. તેઓએ ટેસ્ટિંગની પ્રક્રિયા શરૂ કરી છે. આ તમામ સ્થિતિને જોતા ટોક્યો ઓલમ્પિક્સના આયોજન પર સંકટ તોળાતું હોય તેમ જોવા મળી રહ્યું છે.   

એક જ દિવસમાં ટોક્યોમાં આવ્યા 1149 નવા કોરોના કેસ

બુધવારે કોરોના સંક્રમણના એટલા બધા કેસો સામે આવ્યા કે જે છેલ્લા 6 મહિનામાં નહતા આવ્યા. ત્યાંના સ્વાસ્થ્ય મંત્રાલયના કહ્યા મુજબ ત્યાં હાલ એક જ દિવસમાં 1,149 નવા કેસો આવ્યા છે. આવો આંકડો છેલ્લે જાન્યુઆરી 22 ના દિવસે આવ્યો હતો. આ કારણે ઓલમ્પિક્સમાં ઘણા બધા ફેરફારો કરવામાં આવી રહ્યા છે. 

પારંપરિક પદક સમારોહમાં કરાયા ફેરફાર
IOC અધ્યક્ષ થૉમસ બાક દ્વારા 339 સ્પર્ધાઓના પારંપરિક પદક સમારોહ માટે ઘણા મોટા ફેરફાર કરવામાં આવ્યા છે અને તેની જાણકારી બુધવારે આપવામાં આવી. આ ફેરફાર મુજબ ઓલમ્પિક પદક જીતનાર ખેલાડીઓને કોરોના વાયરસના સંક્રમણથી બચાવવા માટે પદકને ખેલાડીઓએ જાતે જ પોતાના ગળામાં નાખવા પડશે. પદક ખેલાડીને ટ્રેમાં આપવામાં આવશે. આ પદક પણ કીટાણુરહિત કવર પહેરાવી જ ટ્રેમાં રાખવામાં આવશે, જેથી ખ્યાલ આવે કે કોઈ પણ અન્ય વ્યક્તિ તે પદકને અડશે નહીં.