વિશ્વ / તો છીનવાઇ જશે તમારું ગ્રીન કાર્ડ! અમેરિકામાં રહેનારા ભારતીયો ખાસ વાંચે આ નિયમ

યુનાઇટેડ સ્ટેટ્સમાં કાયમી રહેવાસી બનેલા હજારો વિદેશી કામદારો માટે નવી મુશ્કેલી ઊભી થઈ છે. રાષ્ટ્રપતિ ડોનાલ્ડ ટ્રમ્પની સરકારના કડક પગલાંઓ પછી, ઘણા ગ્રીન કાર્ડ ધારકો (Legal Permanent Residents – LPRs) હવે દેશ બહાર જઈને પાછા ફરવામાં મુશ્કેલીઓનો સામનો કરી રહ્યા છે.

ગ્રીન કાર્ડ ધારકોને સામાન્ય રીતે અમેરિકા રહેવા, કામ કરવા અને મુસાફરી કરવાનો કાયદેસર અધિકાર હોય છે. પરંતુ, હાલના નિયમો અનુસાર જો કોઈ ગ્રીન કાર્ડ ધારક યુનાઇટેડ સ્ટેટ્સની બહાર એક વર્ષથી વધુ સમય રહે, તો તેની કાયમી રહેઠાણની માન્યતા રદ ગણવામાં આવે છે. એટલે કે, તેમનું કાર્ડ "રી-એન્ટ્રી" માટે અમાન્ય બની શકે છે.

Re-entry Permit કેમ જરૂરી?

ભલે કોઈ વ્યક્તિ એક વર્ષથી ઓછા સમય માટે વિદેશ જાય, છતાં જો તેને લાગે કે તે લાંબા સમય સુધી બહાર રહેશે, તો તેને Re-entry Permit લેવી જરૂરી છે. આ પરમિટ એ સાબિત કરે છે કે ધારક પોતાનું કાયમી રહેઠાણ છોડી રહ્યો નથી. આ દસ્તાવેજથી ગ્રીન કાર્ડ ધારકને બે વર્ષ સુધી વિદેશ પ્રવાસ કર્યા પછી પણ Return Resident Visa વગર અમેરિકા પાછા ફરવાની મંજૂરી મળે છે.

કેવી રીતે મેળવું ?

Re-entry Permit મેળવવા માટે વ્યક્તિએ Form I-131 ભરવું પડે છે. આ પરમિટ જારી થયાની તારીખથી બે વર્ષ માટે માન્ય રહે છે. જો તે સમયગાળા પછી પણ વ્યક્તિ વિદેશમાં રહેવા ઈચ્છે, તો નવી પરમિટ માટે ફરી અરજી કરવી પડે છે.

આ પણ વાંચો : અમેરિકાના H-1B વિઝા માટે એક પણ રૂપિયાની ફી નહીં ભરવી પડે, આ રીતે કરો અરજી

હાલના સમયમાં અનેક ગ્રીન કાર્ડ ધારકોને એરપોર્ટ પર પ્રવેશ ન મળતા વિવાદો ઉઠ્યા છે. ઘણા લોકોનું કહેવું છે કે, આ નીતિઓ અમેરિકાના ઇમિગ્રેશન સિસ્ટમને વધુ કડક બનાવી રહી છે. તેથી, જો તમને પહેલેથી જ ગ્રીન કાર્ડ મળ્યું છે અને તમે વિદેશ જવાની યોજના બનાવી રહ્યા છો, તો મુસાફરી પહેલાં રિ-એન્ટ્રી નિયમો સમજીને જરૂરી દસ્તાવેજો તૈયાર રાખવા ખૂબ જરૂરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ