NRI / વિદેશ જવા અહીં ક્લિક કરીને શોધો નોકરી, જેની માટે એજન્ટની કોઇ જ નથી જરૂર!

ભારતમાંથી વિદેશ નોકરી કરવા માટે હજારો લોકો જવા માંગતા હોય છે અને જતાં પણ હોય છે. જો તમે પણ એમાંના એક છો કે જે વિદેશમાં નોકરી શોધી રહ્યા છે અને છેતરપિંડીની પણ બીક છે તો તમારા માટે ભારત સરકાર લઈને આવી છે કે ખાસ પોર્ટલ જેના મારફતે તમે વિદેશમાં નોકરી સરળતાથી શોધી શકો છો અને આ પોર્ટલનું નામ છે ઈ-માઈગ્રેટ પોર્ટલ.

વિદેશમાં નોકરી કરવા જવા માંગતા હોય તે લોકોને વિદેશમાં નોકરીના નામે થતી છેતરપિંડીની પ્રવૃત્તિઓથી સાવધાન રહેવું જરૂરી છે. એમ પણ રોજ નોકરીની લાલચે વિદેશમાં ફસાવે છે તેવા સમાચાર પણ રોજ સામે આવે છે. કંબોડિયા, મ્યાનમાર અને લાઓસ જેવા દેશોમાં ભારતીયો ફસાયા હોવાના અસંખ્ય કિસ્સાઓ નોંધાયા છે અને તેમને બચાવી પણ લેવામાં આવ્યા છે. તેવામાં ભારત સરકારે એક પોર્ટલ શરૂ કર્યું છે જેમાં ભારતીય કામદારો આ પોર્ટલ દ્વારા એજન્ટો વિશે પણ માહિતી મેળવી શકે છે.

વાત જાણે એમ છે કે સરકાર વિદેશમાં વધતી જતી છેતરપિંડીની પ્રવૃત્તિઓ પ્રત્યે પણ સતર્ક બની છે. તે ઇચ્છતી નથી કે કોઈ પણ ભારતીય નોકરી માટે વિદેશ જતી વખતે છેતરપિંડીનો સામનો કરે. આ સમસ્યાને ઉકેલવા માટે સરકારે એક પોર્ટલ શરૂ કર્યું છે જે લોકોને વિદેશમાં નોકરી શોધવામાં મદદ કરે છે. વધુમાં ભારતીય કામદારો આ પોર્ટલ દ્વારા એજન્ટોની ચકાસણી પણ કરી શકે છે. આ પોર્ટલને ઈ-માઈગ્રેટ કહેવામાં આવે છે.

ઈ-માઈગ્રેટ પોર્ટલ પર શું ચેક કરી શકશો?

ઈ-માઈગ્રેટ પોર્ટલ (https://emigrate.gov.in/#/emigrate)ભારત સરકારના વિદેશ મંત્રાલયની એક પહેલ છે. તેનો હેતુ ઈમિગ્રેશન પ્રક્રિયાને સરળ બનાવવા અને ભારતીય કામદારોને શોષણથી બચાવવાનો છે. આ એક એવું પ્લેટફોર્મ છે જે વિદેશ જવા માંગતા ભારતીય કામદારો, રજિસ્ટર્ડ એજન્ટ અને વિદેશી કંપનીઓ સહિત વિવિધ એમ્પ્લોયરને એક પ્લેટફોર્મ પર સાથે લાવે છે.

આ પોર્ટલનો ઉદ્દેશ્ય વિદેશમાં નોકરી શોધવાની પ્રક્રિયાને પારદર્શક, સુરક્ષિત અને સરળ બનાવવાનો છે. પોર્ટલની અનોખી વિશેષતા એ છે કે કોઈપણ વ્યક્તિ એજન્ટની મદદ વિના નોકરી શોધી શકે છે અને અરજી કરી શકે છે.

ઈ-માઈગ્રેટ પર નોકરી કેવી રીતે શોધવી?

• પોર્ટલ પર રજીસ્ટર કરો: સૌપ્રથમ ઈ-માઈગ્રેટ પોર્ટલ (https://emigrate.gov.in/#/emigrate) પર જાઓ. સંભવિત ઇમિગ્રન્ટ તરીકે તમારું રજીસ્ટ્રેશન કરાવો. તમારું નામ, સંપર્ક માહિતી અને વધુ સબમિટ કરો. આ લોગિન બનાવશે.
• સર્ચ જોબ: તમને વેબસાઇટ પર Job Opportunity વિભાગ મળશે. અહીંથી તમે નોકરીઓ શોધી શકો છો અને તમે જે દેશ પર જવા માંગો છો તે પસંદ કરી શકો છો. તમે ત્યાં ખાલી જગ્યા વિશે વિગતો પણ જોઈ શકો છો.

જો તમને નોકરી ગમે છે તો તમારે તેનાથી સંબંધિત બધી વિગતો જાણવી જોઈએ. જેમાં કંપનીની વિગતો અને નોકરીની શરતો શામેલ છે. વિદેશી કંપનીની ચકાસણી કરવી પણ મહત્વપૂર્ણ છે.

આ રીતે અરજી કરો

કેટલીક નોકરીઓ માટે તમે પોર્ટલ દ્વારા સીધી અરજી કરી શકો છો. અન્ય નોકરીઓ માટે પોર્ટલ તે નોકરી સાથે સંકળાયેલા રજિસ્ટર્ડ એજન્ટની સંપર્ક વિગતો પ્રદાન કરશે. તમે એજન્ટનો સંપર્ક કરી શકો છો અને ખાતરી કરો કે એજન્ટ અને જોબ બંને વેરીફાઇડ છે.

આ પણ વાંચો: કેનેડાના સ્ટુડન્ટ વિઝા જોઇએ છે? તો જોઇશે આ ડોક્યુમેન્ટ્સ, નોટ કરી લે ભારતીયો

ઇમિગ્રેશન ક્લિયરન્સ

નોકરીની ઓફર મળ્યા બાદ જો તમે ECR (ઇમિગ્રેશન ચેક જરૂરી) કેટેગરી હેઠળ આવો છો તો તમારે ઇ-માઇગ્રેટ પોર્ટલ મારફતે ઇમિગ્રેશન ક્લિયરન્સ માટે અરજી કરવી જરૂરી રહેશે, જેમાં જરૂરી દસ્તાવેજો સબમિટ કરીને ટૂંકી અને સરળ પ્રક્રિયામાંથી પસાર થવું પડે છે. ઇ-માઇગ્રેટ પોર્ટલનો ઉપયોગ કરીને ભારતીય કામદારો વિદેશમાં સરળતાથી નોકરીઓ શોધી શકે છે તેમજ છેતરપિંડીની કોઈ ચિંતા રહેતી નથી, કારણ કે સરકાર દ્વારા તમામ એજન્ટો અને કંપનીઓની અગાઉથી ચકાસણી કરવામાં આવી છે, જેના કારણે ફ્રોડની શક્યતા ઘટે છે અને વિદેશમાં નોકરી શોધવાની પ્રક્રિયા વધુ સુરક્ષિત તથા સરળ બની જાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ