ન્યાયિક / કરવા ચોથના વ્રતની ઉજવણી ન કરવી પણ બની શકે છૂટાછેડાનું કારણ, હાઈકોર્ટે જાહેર કર્યો મોટો ચુકાદો

• દિલ્હી હાઈકોર્ટે કપલના છૂટાછેડા કર્યાં મંજૂર
• પત્નીએ કરવા ચોથ અને દિવાળી મનાવવાનો કર્યો હતો ઈન્કાર
• તે ઉપરાંત પત્ની પતિને આપતી હતી માનસિક ત્રાસ

એક મહત્વપૂર્ણ કાનૂની ચુકાદામાં, દિલ્હી હાઈકોર્ટે એક કેસમાં છૂટાછેડા આપવાના ફેમિલી કોર્ટના નિર્ણયને માન્ય રાખ્યો હતો. દિલ્હીના એક શખ્સે પત્નીની હરકતોથી તંગ આવીને ફેમિલી કોર્ટના છૂટાછેડાના ચુકાદાને હાઈકોર્ટમાં પડકાર્યો હતો જેમાં વૈવાહિક તહેવારો (કરવા ચોથ) અને દિવાળીના તહેવારો મનાવવાનો પત્નીએ ઈન્કાર કરી દીધો હતો. 

તહેવારો ન મનાવવા છૂટાછેડાનું કારણ બની શકે 
જસ્ટીસ સુરેશકુમાર કૈટ અને નીના બંસલ કૃષ્ણાએ આપેલા ચુકાદામાં ક્રૂરતાને છૂટાછેડા માટેનું કારણ ગણવામાં આવ્યું હતું.

દિલ્હીના રેખા દ્રાલ અને વિકાસ દ્રાલનો કેસ
આ કેસમાં અપીલ કરનાર તરીકે રેખા દ્રાલ અને તેનો પતિ વિકાસ દ્રાલ સામેલ હતા. રેખા દ્રાલે 27 ફેબ્રુઆરી, 2023 ના રોજ દિલ્હીની રોહિણી કોર્ટમાં નોર્થ વેસ્ટ ડિસ્ટ્રિક્ટમાં ફેમિલી કોર્ટના જસ્ટીસ દ્વારા આપવામાં આવેલા ચુકાદાને પડકાર્યો હતો, જેમાં હિન્દુ મેરેજ એક્ટની કલમ 13 (1) (આઇએ) હેઠળ વિકાસ દ્રાલને છૂટાછેડા આપવામાં આવ્યા હતા.
છૂટાછેડા માટેના કારણ તરીકે રેખા દ્રાલની શારીરિક આત્મીયતા, આત્મહત્યાની ધમકીઓ, ખોટી પોલીસ ફરિયાદો દાખલ કરવા અને વિકાસ દ્રાલ અને તેના પરિવાર વિરુદ્ધ આઈપીસીની કલમ 498 એ હેઠળ કેસ કરવાની અનિચ્છાનો સમાવેશ થાય છે. કોર્ટે આ કેસમાં રજૂ કરેલા પુરાવાઓની વિસ્તૃત છણાવટ કરી હતી. તેમાં કહેવામાં આવ્યું હતું કે રેખા દ્રાલ લગ્નના 8-10 દિવસની અંદર જ વૈવાહિક ઘર છોડીને ચાલ્યા ગયા હતા અને છ મહિના પછી જ પરત ફર્યા હતા, પરંતુ આ લગ્ન અશાંત રહ્યા હતા. તેણે વૈવાહિક તહેવારો (કરવા ચોથ) માં ભાગ લેવાનો ઇનકાર કર્યો હતો અને રિતેશ નામના અન્ય વ્યક્તિ પ્રત્યે સ્નેહ વ્યક્ત કરતી વખતે વિકાસ દ્રાલને તેના પતિ તરીકે ઓળખવાનો પણ ઈનકાર કર્યો હતો. રેખાએ પતિ સાથે દિવાળીના તહેવારો પણ પતિ સાથે મનાવ્યાં નહોતા. આવા કારણોને લીધે હાઈકોર્ટે પતિના છૂટાછેડા મંજૂર રાખ્યાં હતા. હાઈકોર્ટે એવું પણ કહ્યું કે આત્મહત્યાની ધમકીઓને કારણે સતત ડર એ ક્રૂરતા સમાન હોઈ શકે છે. 

આક્રમકતા, ખોટા આરોપો અને ધમકીઓ માનસિક ક્રૂરતા 
કોર્ટે નાગેન્દ્ર વિરુદ્ધ કે.મીના અને રવિ કુમાર વિરુદ્ધ ઝુલ્મીદેવી જેવા અન્ય કેસોને ટાંક્યા હતા, જેમણે સ્થાપિત કર્યું હતું કે આક્રમકતા, ખોટા આરોપો અને ધમકીઓ સામૂહિક રીતે "માનસિક ક્રૂરતા" માં ફાળો આપી શકે છે અને છૂટાછેડાને ન્યાયી ઠેરવી શકે છે. દિલ્હી હાઈકોર્ટે પોતાના અંતિમ નિષ્કર્ષમાં ફેમિલી કોર્ટના નિર્ણયને માન્ય રાખ્યો અને કહ્યું કે, "અમને અપીલમાં કોઈ યોગ્યતા જોવા મળી નથી, જેને ફગાવી દેવામાં આવી છે. આ કેસમાં પત્નીએ ફેમિલી કોર્ટના છુટાછેડાના ચુકાદાને હાઈકોર્ટમાં પડકાર્યો હતો.