નિર્ણય / નંબર પ્લેટ નહીં તો પેટ્રોલ-ડીઝલ અને CNG નહીં મળે, ગુજરાતના આ શહેરમાં લાગુ પડાયો નિયમ

રાજકોટના વાહનચાલકો માટે મોટા સમાચાર આવ્યાં છે. પોલીસ કમિશનર બ્રજેશકુમાર ઝાએ એક જાહેરનામું બહાર પાડ્યુ છે જે હેઠળ હવેથી વાહનની બંને બાજુ HSRP નંબર પ્લેટ ન હોઈ તેવા વાહનોને પેટ્રોલ-ડીઝલ કે ઈંધણ ન આપવાનો નિયમ કરાયો છે. જાહેરનામાનો ભંગ કરનાર વાહનચાલક તેમજ પેટ્રોલ પંપ સંચાલક સહિતના વિરુદ્ધ કાર્યવાહીની વાત પણ તેમણે કરી છે.

પોલીસ કમિશનરે શું કહ્યું?

પોલીસ કમિશનરે જણાવ્યું હતું કે, મોટા ભાગે સીસીટીવીથી મળતા ઈ-ચલણથી બચવા નંબર પ્લેટ કાઢી દેવામાં આવે છે અને ચેડાં કરવામાં આવે છે. HSRP રજીસ્ટ્રેશન નંબર વગરના વાહનો જાહેર વ્યવસ્થા, સલામતી તથા રાષ્ટ્રીય સુરક્ષા સામે ગંભીર અને તાત્કાલિક જોખમ ઊભું કરે છે તેથી આવો નિયમ લાગુ કરાયો છે.

વધુ વાંચો : AMCના જેકેટ પહેરીને આવ્યાં અને 7 લાખના કેબલ ચોરી ગયા, અમદાવાદમાં ઝડપાયા 4 આરોપીઓ

કેવા વાહનોને ઈંધણ નહીં મળે

જે વાહનો પર નંબર પ્લેટ ન હોય અથવા નંબર પ્લેટ વળેલી હોય, કે દેખાતી ન અથવા તો માટી-કિચડથી ખરડાયેલી હોય તેવા વાહનોને ઈઁધણ આપવા પર પ્રતિબંધ મૂકાયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ