- આવતીકાલે નીતિશ કુમાર આપશે રાજીનામું
- ભાજપના ટેકાથી બનાવશે નવી સરકાર
- સાંજે લેશે શપથ
બિહારમાં રાજકીય ઉથલપાથલ વચ્ચે સમાચાર મળી રહ્યા છે કે રવિવાર સવાર સુધીમાં બિહારના મુખ્યમંત્રી નીતિશ કુમાર પદ પરથી રાજીનામું આપી શકે છે. મુખ્યમંત્રીના નજીકના એક સૂત્રએ શનિવારે આ માહિતી આપી હતી. નામ જાહેર ન કરવા માગતા સૂત્રે જણાવ્યું હતું કે, શનિવારે મોડી સાંજ સુધીમાં નીતિશકુમાર રાજીનામું આપી દે તેવી શક્યતા નકારી શકાય નહીં. જણાવવામાં આવી રહ્યું છે કે નીતિશ કુમાર રવિવારે સાંજ સુધી ફરીથી બિહારના મુખ્યમંત્રી પદના શપથ લઈ શકે છે. નીતીશ કુમાર રાજીનામું આપતા પહેલા ધારાસભ્ય દળની બેઠક યોજશે. ભાજપના ટેકાથી નવી સરકાર રચાય તેવી શક્યતા વચ્ચે સચિવાલય જેવી સરકારી કચેરીઓને રવિવારે ખુલ્લી રાખવાનું કહેવામાં આવ્યું છે. ભાજપના સૂત્રોએ જણાવ્યું હતું કે, ટોચની નેતાગીરી તરફથી કુમાર રાજીનામું ન આપે ત્યાં સુધી કોઈ ઔપચારિક જાહેરાત ન કરવાની સૂચના મળી છે.
રવિવારે સવારે 10 વાગ્યે બેઠક
જેડીયુ વિધાયક દળની બેઠક રવિવારે સવારે 10 વાગે થશે. જે બાદ સીએમ હાઉસમાં જ એનડીએ વિધાયક દળની બેઠક યોજાશે. બેઠક બાદ નીતિશ રાજભવન જઈને રાજીનામું આપશે અને એનડીએના ધારાસભ્યોને સમર્થનનો પત્ર પણ આપશે. ત્યારબાદ તેઓ 4 વાગે શપથ ગ્રહણ કરશે. જણાવવામાં આવી રહ્યું છે કે રવિવારે બિહાર સચિવાલયની રજા રદ્દ કરી દેવામાં આવી છે, એટલે કે રવિવારે સચિવાલય ખુલ્લુ રહેશે. જેડી(યુ)ના ધારાસભ્યો પટનાના અની માર્ગ સ્થિત મુખ્યમંત્રી નીતિશ કુમારના નિવાસસ્થાને પહોંચવા લાગ્યા છે. રાજકીય ઊથલપાથલ વચ્ચે નીતિશે આજે સાંજે જેડીયુના ધારાસભ્યોને પોતાના નિવાસસ્થાને બોલાવ્યા હતા. શુક્રવારે સાંજે નીતિશ કુમારે પોતાના નિવાસસ્થાને ચાર વરિષ્ઠ નેતાઓ સાથે ચર્ચા કરીને બિહારની વર્તમાન સ્થિતિ અંગે ચર્ચા કરી હતી. આ બેઠકમાં લલ્લન સિંહ સહિત ઘણા મોટા નામો સામેલ થયા હતા.
તૂટશે મહાગઠબંધનની સરકાર
નીતિશથી પલટીથી બિહારમાં ગઠબંધનની સરકાર તૂટી જશે. સામે પક્ષે આરજેડીએ પણ પોતાની રીતે સરકાર બનાવવા ધમપછાડા શરુ કર્યાં છે પરંતુ તેને સરકા બનાવવા માટે તેવો ઓછો ચાન્સ છે.
