ઉત્તરપ્રદેશ / લખીમપુરમાં આજે ફરી બબાલ: બે ખેડૂતોના અંતિમ સંસ્કાર અટકાવાયા, ટિકૈત પણ પહોંચ્યા

• લખીમપુર કેસમાં ફરી નવો વિવાદ
• પરિવારજનોએ ખેડૂતોના અંતિમ સંસ્કાર અટકાવ્યા
• 5 ડોક્ટરો ફરી પીએમ કરી તેવી પરિવારની માગ 

લખીમપુર ખીરી તિકુનિયા કાંડમાં જે પણ ખેડૂતો માર્યા ગયા છે. તેમના હજુ સુધી અંતિમ સંસ્કાર કરવામાં નથી આવ્યા. ચાર ખેડૂતોના પીએમ રિપોર્ટ પર સવાલો ઉભા તઈ રહ્યા છે. જેથી તેમના પરિવારજનોએ અંતિમ સંસ્કાર કરવાની ના પાડી દીધી છે. પરિવારજનોનું કહેવું છે કે તેમને શંકા છે કે ખેડૂતોની મોત ગોળી મારવાને કારણે થઈ છે. 

પીએમ 5 તબીબો કરે તેવી માગ 

સમગ્ર મામલે એવી માહિતી સામે આવી છે કે મૃતક ગુરવિંદરને છોડીને બાકી 3 જણાના અંતિમ સંસ્કાર નક્કી થયેલા સમયે થઈ શકે છે. તેનો પીએમ  5 તબીબો કરે તેવી માગ કરવામાં આવી રહી છે. 

ગોળી વાગવાથી મોત ન થઈ હોવાનો PM રિપોર્ટમાં ખુલાસો 

આપને જણાવી દીએ કે પીએમ રિપોર્ટમાં એવું સામે આવ્યું હતું કે ખેડૂતોને ગોળી નથી આવી પરંતુ ઘસડાવાને કારણે તેમના મોત થયા છે. અગાઉ પણ એવો દાવો કરવામાં આવ્યો હતો સાથેજ વીડિયો પણ સામે આવ્યો હતો. જેમા જોવા મળ્યું હતું કે ખેડૂતો અથડાયા તેના કારણે તેમના મોત થયા હતા. 

ચાર ખેડૂતોના પરિવારે પીએમ રિપોર્ટ ફરી કરવા માગ કરી 

હવે બહરાઈચ અને લખીમપુરના ચારેય ખેડૂતના પરિવારે મૃતકોના શબ તેમના ઘરમાં રાખ્યા છે. સાથેજ તેમણે ફરી પીએમ રિપોર્ટની માગ કરી છે. જે પૈકી બહરાઈચના નાનપારાના રહેવા વાળા 35 વર્ષીય દલજીત સિંહના પરિવારને એવી શંકા છે કે ગોળી વાગવાને કારણે તેમનું મોત થયું હતું.

મૃતોના પરિવારને 45 લાખ અને સરાકરી નોકરીની સહાય 

ઉલ્લેખનીય છે કે સમગ્ર મામલે ખેડૂતોના પરિવારજનો અને પ્રશાન વચ્ચે સમજૂતી થઈ હતી. જેમા ખેડૂતોના પરિવારને 45 લાખ રૂપિયા આપવાની વાત કરવામાં આવી હતી. સાથેજ પરિવારમાંથી પણ દરેક વ્યક્તિને સરકારી નોકરી આપવામાં આવશે તેવી વાત પણ કરવામાં આવી છે. ઉપરાંત ઘાયલોને પણ 10 10 લાખ આપવાની વાત કરવામાં આવી છે.