નેશનલ / રાહુલ ગાંધી મિડલ ઇસ્ટ સંકટ પર થનારી સર્વપક્ષીય બેઠકમાં નહી થાય સામેલ, જણાવ્યુ કારણ

Israel Iran US War: કોંગ્રેસના સાંસદ રાહુલ ગાંધીએ આરોપ લગાવ્યો કે પીએમ મોદી અમેરિકા અને ઇઝરાયલ જે કહેશે તે કરશે. તેમણે કહ્યું કે આપણી વિદેશ નીતિ વડા પ્રધાન નરેન્દ્ર મોદીની વ્યક્તિગત પોલિસી બની ગઈ છે.

કેન્દ્ર સરકારે બુધવારે (25 માર્ચ, 2026) પશ્ચિમ એશિયા કટોકટી પર ચર્ચા કરવા માટે સર્વપક્ષીય બેઠક બોલાવી છે. કોંગ્રેસ અને અન્ય વિપક્ષી પક્ષો મધ્ય પૂર્વ યુદ્ધ અને ભારત પર તેની અસર અંગે સરકારને સતત પ્રશ્નો પૂછી રહ્યા છે. લોકસભામાં વિપક્ષના નેતા રાહુલ ગાંધીએ જણાવ્યું હતું કે તેઓ આ બેઠકમાં હાજરી આપશે નહીં. તેમણે કહ્યું કે તેમનો કેરળમાં એક કાર્યક્રમ છે.

રાહુલ ગાંધી સર્વપક્ષીય બેઠકમાં કેમ હાજરી આપશે નહીં?

કોંગ્રેસના સાંસદ અને લોકસભામાં વિરોધ પક્ષના નેતા રાહુલ ગાંધીએ કહ્યું, "કેરળમાં મારા કાર્યક્રમને કારણે હું બેઠકમાં હાજરી આપી શકીશ નહીં. સર્વપક્ષીય બેઠક યોજવી જોઈતી હતી, પરંતુ તમે માળખાકીય ભૂલ કરી છે. તમે આખું માળખું તોડી નાખ્યું છે, અને હવે તમે તેને સુધારી શકતા નથી. તેમાં ઘણો સમય લાગશે, અને વડા પ્રધાન નરેન્દ્ર મોદી તે કરી શકતા નથી. અમેરિકા અને ઇઝરાયલ જે કંઈ કરવાનું કહેશે તે પીએમ મોદી કરશે. તેઓ ભારતના હિતમાં કામ કરશે નહીં. તેઓ ખેડૂતોના હિતમાં કામ કરશે નહીં."

"વિદેશ નીતિ પીએમ મોદીની વ્યક્તિગત પોલિસી બની ગઈ"

કોંગ્રેસના સાંસદ રાહુલ ગાંધીએ કહ્યું, "આપણી વિદેશ નીતિ વડા પ્રધાન નરેન્દ્ર મોદીની વ્યક્તિગત પોલિસી બની ગઈ છે. હવે તે એક યૂનિવર્સલ મજાક બની ગઈ છે. જો આપણા વડા પ્રધાન કોમ્પ્રોમાઇઝડ છે તો ફોરેન પોલીસી કોમ્પ્રોમાઇઝડ છે, આપણી સ્થિતિ શું છે? કોઈ સ્થિતિ નથી; આના કારણે લોકોને નુકશાન થશે. આ તો માત્ર શરૂઆત છે. દરેક બાબતમાં સમસ્યાઓ હશે. વડા પ્રધાન મોદી અમેરિકા અને ઇઝરાયલ જે કંઈ કરવાનું કહેશે તે કહેશે." તેમણે એવો પણ દાવો કર્યો હતો કે આવનારા સમયમાં એલપીજી અને પેટ્રોલને લઇ સમસ્યાઓ આવશે.

આ પણ વાંચોઃ'જો જંગ ચાલુ રહેશે તો ગંભીર પરિણામ આવશે, ભારત માટે શાંતિ જ સમાધાન' .., મિડલ ઈસ્ટના યુદ્ધ વચ્ચે રાજ્યસભામાં મોદીનું નિવેદન

મધ્ય પૂર્વ યુદ્ધ વિશે રાજ્યસભામાં પીએમ મોદીનું ભાષણ

મંગળવારે (23 માર્ચ, 2026) પીએમ મોદીએ રાજ્યસભામાં જણાવ્યું હતું કે યુદ્ધ શરૂ થયા પછી તેમણે મોટાભાગના પશ્ચિમ એશિયાઈ દેશોના વડાઓ સાથે ફોન પર બે રાઉન્ડમાં વાત કરી છે. તેમણે કહ્યું, "અમે બધા ગલ્ફ દેશો સાથે સતત સંપર્કમાં છીએ. અમે ઈરાન, ઇઝરાયલ અને અમેરિકા સાથે પણ સંપર્કમાં છીએ. અમારું લક્ષ્ય વાતચીત અને કૂટનિતી દ્વારા પ્રદેશમાં શાંતિ પુનઃસ્થાપિત કરવાનું છે. અમે તણાવ ઓછો કરવા અને હોર્મુઝ સ્ટ્રેટ ખોલવા અંગે પણ ચર્ચા કરી છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ