નેશનલ / છ રૂપિયાની લોટરીએ નસીબ બદલી નાખ્યું, ભઠ્ઠીમાં કામ કરતો યુવક બન્યો કરોડપતિ

કહેવાય છે ને કે નસીબમાં હોય તે ક્યાય નથી જતું. પંજાબના ફિરોઝપુર જિલ્લામાં રહેતા મોગાના રહેવાસી જસ્મેલ સિંહના જીવનમાં પણ આવો જ ચમત્કાર બન્યો, જ્યારે તેને માત્ર 6 રૂપિયાની લોટરી ખરીદી અને 1 કરોડ રૂપિયાનું ઇનામ જીત્યું.

ઈંટના ભઠ્ઠામાં સેલ્સમેન તરીકે કામ કરતો

જસ્મેલ સિંહ મૂળ મોગાનો રહેવાસી છે અને ઈંટના ભઠ્ઠામાં સેલ્સમેન તરીકે કામ કરે છે. આગલા દિવસે તે મોગાથી જીરા વિસ્તારમાં ગયો હતો, જ્યાં તેને એક દુકાનમાંથી 6 રૂપિયાની લોટરી ટિકિટ ખરીદી હતી. થોડા કલાકો પછી, તેને લોટરી વેચનારનો ફોન આવ્યો અને કહેવામાં આવ્યું કે તેને 1 કરોડ રૂપિયાની લોટરી જીતી લીધી છે. આ સાંભળીને જસ્મેલ સિંહ ખૂબ જ ખુશ થઈ ગયો.

ઢોલ વગાડીને, નાચતા અને લાડુ વહેંચીને ખુશી ઉજવી

પોતાના ગામ પરત ફર્યા પછી , તેને ઢોલ વગાડીને, નાચતા અને લાડુ વહેંચીને આખા ગામ સાથે પોતાની ખુશી શેર કરી. લોટરી જીત્યા પછી, જસ્મેલ સિંહે મીડિયાને કહ્યું, 'મેં ક્યારેય વિચાર્યું ન હતું કે મારું નસીબ આ રીતે બદલાશે. હું પહેલા આ પૈસા મારા બાળકોના શિક્ષણ અને ભવિષ્ય પર ખર્ચ કરીશ અને મેં લીધેલું દેવું પણ ચૂકવીશ.'

તેની પત્ની વીરપાલ કૌરે પણ ખુશી વ્યક્ત કરતા કહ્યું, 'અમારા ત્રણ બાળકો છે. આ જીત અમારા આખા પરિવાર માટે એક નવી શરૂઆત છે. જ્યારે અમને ખબર પડી, ત્યારે અમારી ખુશીનો કોઈ પાર નહોતો.'

આ પણ વાંચો: મોદી સરકારની ખેડૂતોને મોટી ભેટ, 24000 કરોડની યોજનાને કેબિનેટની મંજૂરી

ફિરોઝપુર જિલ્લાના ચાર લોકો અત્યાર સુધીમાં કરોડપતિ બન્યા છે.

લોટરી ટિકિટ વેચનાર ગુલશન કુમાર શર્માએ જણાવ્યું હતું કે ફિરોઝપુર જિલ્લાના ચાર લોકો અત્યાર સુધીમાં કરોડપતિ બન્યા છે, અને જસ્મેલ સિંહ તેમાંથી તાજેતરનું નામ છે. જસ્મેલ સિંહની જીતે સાબિત કર્યું છે કે જો મહેનત અને આશાની સાથે નસીબ પણ સાથ આપે તો કોઈપણ ગરીબ વ્યક્તિ કરોડપતિ બની શકે છે. આ સમાચારને કારણે ગામમાં ઉજવણીનો માહોલ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ