મૈસુર / પ્રેમિકાના મોંઢામાં બોમ્બ રાખીને રિમોટથી ઉડાવી દીધો ચહેરો, કૂકર અને વાદળી ડ્રમ બાદ ખૌફનાક મર્ડર

છેલ્લા કેટલાક મહિનામાં હત્યાના એવા કિસ્સાઓ પ્રકાશમાં આવ્યા છે જેણે બધાને ચોંકાવી દીધા છે. કોઈએ તેના પતિની હત્યા કરીને વાદળી ડ્રમમાં નાખી દીધો, તો કોઈએ તેની પ્રેમિકાને પ્રેશર કુકરમાં ઉકાળી, જ્યારે તાજેતરમાં નિક્કી હત્યાનો કિસ્સો સમાચારમાં છે, જેમાં તેના સાસરિયાઓએ નિક્કીને જીવતી સળગાવી દીધી હતી. પરંતુ હવે એક એવો કિસ્સો પ્રકાશમાં આવ્યો છે જેણે પોલીસને પણ ચોંકાવી દીધી છે. આ અત્યાર સુધીની સૌથી વિચિત્ર પદ્ધતિ છે. મૈસુરના એક લોજમાંથી એક છોકરીનો મૃતદેહ મળી આવ્યો હતો, જેની હત્યા મોઢામાં વિસ્ફોટથી કરવામાં આવી હતી.

મૈસુરની લોજમાં શું બન્યું?

કર્ણાટકના મૈસૂરમાં સિદ્ધિરાજા નામનો એક છોકરો અને દર્શિતા નામની છોકરી મૈસુરના એક લોજમાં રહેતા હતા. 24 ઓગસ્ટના રોજ સિદ્ધિરાજા નામનો આ યુવક ભોજન લેવાના બહાને લોજમાંથી નીકળી ગયો. જ્યારે તે પાછો ફર્યો ત્યારે તેણે લોજ સ્ટાફને કહ્યું કે તેના રૂમનો દરવાજો અંદરથી બંધ છે. અંતે, માસ્ટર ચાવીથી દરવાજો ખોલવામાં આવ્યો, પરંતુ દરવાજો ખોલ્યા પછી જે દેખાયું તેનાથી બધાના હોશ ઉડી ગયા અંદર યુવતીની લાશ પડી હતી જેનો ચહેરો છૂંદાઈ ગયો હતો.

મોબાઈલ બ્લાસ્ટને કારણે મોત થયું હોવાનો પ્રેમીનો દાવો

જ્યારે હોટલ સ્ટાફે પોલીસને ફોન કર્યો, ત્યારે સિદ્ધેરજાની પૂછપરછ કરવામાં આવી. તેણે પોલીસને જણાવ્યું કે તેની ગર્લફ્રેન્ડ ઘણીવાર તેનો ફોન ચાર્જ પર હોય ત્યારે વાત કરતી હતી. એટલે કે, તેણે મોબાઇલ બ્લાસ્ટ તરફ ઈશારો કર્યો હતો. જોકે, જ્યારે ફોરેન્સિક તપાસ કરવામાં આવી ત્યારે વિસ્ફોટકો મળી આવ્યા હતા અને ઘટનાસ્થળેથી કેટલાક વાયર પણ મળી આવ્યા હતા. થોડા કલાકોમાં જ ખબર પડી કે આ બ્લાસ્ટ દર્શિતાના મોંમાં બોમ્બ મૂકીને કરવામાં આવ્યો હતો.

વધુ વાંચો : VIDEO : 'એય મારી સાથે ચાલીશ'... 6 વર્ષના છોકરાએ યુવતીની કરી છેડતી, પછી બન્યું હેરાનીભર્યું

શું હતું હત્યાનું કારણ

દર્શિતા પહેલાથી જ પરિણીત હતી, જ્યારે સિદ્ધરાજા તેને લગ્નનું દબાણ કરી રહ્યો હતો પરંતુ દર્શિતા આને માટે તૈયાર નહોતી તેથી તેમણે આ રીતે દર્શિતાની હત્યા કરવાનો પ્લાન બનાવ્યો હતો. વિસ્ફોટક એટલો બધો હતો કે ફક્ત દર્શિતાનો ચહેરો જ ઉડી ગયો, આરોપીએ આ માટે રિમોટનો ઉપયોગ કર્યો. આરોપી એવું સાબિત કરવા માગતો હતો કે મોબાઈલ બ્લાસ્ટને કારણે તેની પ્રેમિકાનું મોત થયું છે પરંતુ તેનો અસલી ચહેરો ઉઘાડો પડી ગયો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ