રીપોર્ટ / અમદાવાદ વિમાન દુર્ઘટના, ઉડ્ડયન મંત્રી રામ મોહને US મીડિયા રિપોર્ટ્સને ફગાવ્યા

કેન્દ્રીય નાગરિક ઉડ્ડયન મંત્રી રામ મોહન નાયડુએ રવિવારે ફરી એકવાર વેસ્ટર્ન મીડિયાના નેરેટીવની ટીકા કરી હતી જેમાં અમદાવાદમાં એર ઇન્ડિયા વિમાન દુર્ઘટના માટે પાઇલટ્સને દોષી ઠેરવવાનો પ્રયાસ કરવામાં આવ્યો હતો. કેન્દ્રીય મંત્રીએ કહ્યું કે તેમને હવાઈ અકસ્માત તપાસ બ્યુરો (AAIB) પર સંપૂર્ણ વિશ્વાસ છે, જે હવાઈ અકસ્માતોની તપાસ કરતી કેન્દ્રીય એજન્સી છે.

કેન્દ્રીય મંત્રીએ અમદાવાદ વિમાન દુર્ઘટનાની તપાસ કરતા AAIB દ્વારા તેના પ્રારંભિક અહેવાલમાં જાહેર કરાયેલા તથ્યોની પ્રશંસા કરી. તેમણે કહ્યું, 'મને AAIB દ્વારા કરવામાં આવી રહેલા કાર્યમાં વિશ્વાસ છે. અગાઉ, બ્લેક બોક્સ હંમેશા ડેટા કાઢવા માટે વિદેશ મોકલવામાં આવતું હતું. આ પહેલી વાર છે જ્યારે ભારતમાં ડેટા ડીકોડ કરવામાં આવ્યો છે. તેમણે ખૂબ જ સુંદર કામ કર્યું છે. આ એક મોટી સફળતા છે.'

યુએસ મીડિયા રિપોર્ટ્સમાં સ્વાર્થ જળકતો દેખાઈ છે

વોલ સ્ટ્રીટ જર્નલ અને રોઇટર્સે તેમના રિપોર્ટમાં સૂચવ્યું હતું કે અમદાવાદ વિમાન દુર્ઘટના પાઇલટની ભૂલને કારણે થઈ હતી. આ બે વિદેશી મીડિયા સંગઠનોને નિશાન બનાવતા નાયડુએ કહ્યું, 'AAIB દરેકને, ખાસ કરીને વેસ્ટર્ન મીડિયા ગ્રુપને અપીલ કરે છે, જેમને તેઓ જે લેખો પ્રકાશિત કરવાનો પ્રયાસ કરી રહ્યા છે તેમાં સ્વાર્થ હોઈ શકે છે.'

રામ મોહન નાયડુએ અંતિમ તપાસ અહેવાલ બહાર આવે તે પહેલાં પાયાવિહોણી અફવાઓ ફેલાવવા સામે ચેતવણી આપી હતી. તેમણે કહ્યું, 'અંતિમ અહેવાલ બહાર આવે તે પહેલાં કોઈ પણ વ્યક્તિએ કોઈ ટિપ્પણી કરવી સારી નથી. અમે સાવધ છીએ... ઘટના અને તપાસ અંગેના અંતિમ અહેવાલની આપણે રાહ જોવી પડશે.'

આ પણ વાંચો : VIDEO: જહાજમાં ભીષણ આગ લાગી, લોકો જીવ બચાવવા દરિયામાં કૂદ્યા, ભયાનક વીડિયો

સર્ચ રિપોર્ટ જે કહે તે અંતિમ છે: કેન્દ્રીય નાગરિક ઉડ્ડયન મંત્રી રામ મોહન નાયડુ

તેમણે કહ્યું કે અંતિમ અહેવાલ બહાર આવે તે પહેલાં કોઈપણ નિષ્કર્ષ પર પહોંચવું ખૂબ જ વહેલું ગણાશે અને સાવધાની રાખવાની સલાહ આપી. મંત્રીએ કહ્યું, 'રિપોર્ટને વળગી રહો. રિપોર્ટ જે કહે તે અંતિમ છે. પ્રારંભિક અહેવાલ આવી ગયો છે. તેમને (તપાસકર્તાઓને) સમયની જરૂર છે. ઘણા બધા ડેટાની પુષ્ટિ કરવાની છે. તેમને સમય આપવો મહત્વપૂર્ણ છે.'

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ