હેરતઅંગેજ / સસ્તું થશે સોનું! ગુજરાતની સરહદે સોના-કિંમતી ખજાનાનો ભંડાર મળ્યા બાદ મોદી સરકારે કર્યું મોટું એલાન

ગુજરાત સાથે સરહદ શેર કરી રહેલા રાજસ્થાનમાં સોનાનો વિશાળ ભંડાર મળ્યો છે જે પછી હવે એવા સમાચાર સામે આવ્યાં છે. બીજો પણ એક મોટો ભંડાર મળ્યો છે. રાજસ્થાનના બાંસવાડામાં 4 ગામોમાં 1.20 ટન સોનાની ઉપરાંત, તાંબુ, નિકલ અને કોબાલ્ટ જેવા કિંમતી ખનિજોના પુરાવા પણ મળી આવ્યા છે.

સોનાની કિંમત આશરે ₹1449.72 કરોડ

ભારતીય ભૂસ્તરશાસ્ત્રીય સર્વેક્ષણ (GSI) કરેલા સર્વેમાં સોનાનો ભંડાર હોવાનું સામે આવ્યું છે. નિષ્ણાતોના મતે, વર્તમાન બજાર ભાવે આ સોનાની કિંમત આશરે ₹1449.72 કરોડ છે. બાંસવાડામાં સતત ત્રીજી વખત સોનાનો ભંડાર મળી આવ્યો છે. તાંબુ, નિકલ અને કોબાલ્ટ જેવા કિંમતી ખનિજોના પુરાવા પણ મળી આવ્યા છે.

સરકારે શું કર્યું

સોનાની ખાણના પુરાવા હાથ લાગ્યા બાદ કેન્દ્ર સરકારની સંસ્થા ભારતીય ભૂસ્તરશાસ્ત્રીય સર્વેક્ષણે G-2 સ્તરનો ઊંડાણપૂર્વકનો સર્વે કરવાનો નિર્ણય લીધો છે. 29 સપ્ટેમ્બરે અરજીઓ મંગાવવામાં આવી હતી, જેની અંતિમ તારીખ 14 ઓક્ટોબર નક્કી કરવામાં આવી હતી. હવે અરજીઓ 3 નવેમ્બરે ખોલવામાં આવશે, અને સૌથી વધુ બોલી લગાવનારને સર્વે લાઇસન્સ આપવામાં આવશે.

કયા ગામોમાં આવેલો છે સોનાનો ભંડાર

બાંસવાડાના કુલ 4 ગામ કાંકરિયાગઢા, ડુંગરિયાપારા, દેલવારા રાવના અને દેલવારા લોકિયામાં સોનાનો ભંડાર છે. આ બ્લોક આશરે 2.59 ચોરસ કિલોમીટરના વિસ્તારને આવરી લે છે.

ખજાનામાં શું શું છે

પ્રારંભિક સર્વેક્ષણો અનુસાર, આ સ્થળે 120 ટન સોનું અને આશરે 1,૦૦૦ ટન તાંબુ હોવાનો અંદાજ છે. નિકલ અને કોબાલ્ટનો પણ નોંધપાત્ર જથ્થો હાજર છે. વરિષ્ઠ GSI ભૂસ્તરશાસ્ત્રીઓ કહે છે કે 150-200 મીટરના અંતરાલ સાથે 600-700 ફૂટની ઊંડાઈએ ખોદકામ કરવામાં આવ્યું હતું.

VIDEO : ઉપર જોયું, ભગવાનને પ્રાર્થના કરીને રડી પડ્યો રોહિત શર્મા, તસવીર થઈ ગઈ વાયરલ

બાંસવાડા રાજસ્થાનનું ગોલ્ડ હબ

GSI એ બાંસવાડા જિલ્લાના ઘાટોલના ભુકિયા અને જગપુરા વિસ્તારોમાં 114.8 મિલિયન ટન સોનાના ભંડાર શોધી કાઢ્યા હતા. 13,739 ટન કોબાલ્ટ અને 11,146 ટન નિકલ પણ મળી આવ્યું હતું. રતલામ સ્થિત એક કંપનીને ખાણકામ લાઇસન્સ આપવામાં આવ્યું હતું, પરંતુ ખાણકામ કામગીરી હજુ સુધી શરૂ થઈ નથી. બાંસવાડાની ભૂસ્તરશાસ્ત્રીય રચના આશરે 5,000 વર્ષ જૂની હોવાનું કહેવાય છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ