વર્લ્ડ કપ જીત / VIDEO : ઉપર જોયું, ભગવાનને પ્રાર્થના કરીને રડી પડ્યો રોહિત શર્મા, તસવીર થઈ ગઈ વાયરલ

ભારતીય મહિલા ક્રિકેટ ટીમની જીતથી દરેક ભારતીય ક્રિકેટ ચાહકના મનમાં ખુશીના આંસુ આવી ગયા છે જેમાં પુરુષ ટીમનો પૂર્વ કેપ્ટન રોહિત શર્મા પણ બાકાત નથી. સ્ટેડિયમમાં હાજર રહેનાર રોહિત શર્મા પણ વિજય પછી ભાવુક થઈ ગયા. તેમણે ઉપર જોયું અને ભગવાનનો આભાર માન્યો, અને તેમની ભાવનાત્મક તસવીર સોશિયલ મીડિયા પર વાયરલ થઈ ગઈ.

2023 ની ફાઇનલ હાર સાથે રોહિતની તસવીર

મુંબઈ ઈન્ડિયન્સે પણ તેમના ઓફિશિયલ હેન્ડલ પર રોહિત શર્માના ફોટા સાથે એક ખાસ પોસ્ટ શેર કરી, જેમાં ફક્ત કેપ્શન આપ્યું, "આ ક્ષણ." સોશિયલ મીડિયા પર વાયરલ થઈ રહેલા રોહિતના એ જ ફોટાનો ઉપયોગ આ પોસ્ટમાં થઈ રહ્યો છે. લોકો રોહિતના આ ફોટાને 2023 ની ફાઇનલ હાર સાથે પણ જોડી રહ્યા છે.

વધુ વાંચો : VIDEO : પગે લાગવા જતી હતી કેપ્ટન હરમનપ્રીત કૌર, પછી જય શાહે જે કર્યું તેને માટે તમે પણ કરશો સલામ

ભારતે જીત્યો વર્લ્ડ કપ

ભારતીય ટીમે ૫૨ વર્ષની રાહ જોતા પહેલી વાર મહિલા વર્લ્ડ કપ જીત્યો છે. આ ભારતીય મહિલા ટીમનો ત્રીજો ODI વર્લ્ડ કપ ફાઇનલ હતો. ટીમ ઇન્ડિયા 2005 અને 2017માં જીતવામાં નિષ્ફળ રહી હતી, અને મિતાલી રાજ બંને વખત નિરાશ થઈ હતી. હવે, હરમનપ્રીત કૌરની ટીમે તે અધૂરું સ્વપ્ન પૂર્ણ કર્યું છે. ઓસ્ટ્રેલિયા, ઇંગ્લેન્ડ અને ન્યુઝીલેન્ડ પછી ભારત હવે વિશ્વ ચેમ્પિયન બનનારી ચોથી ટીમ બની ગઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ