મેરઠ / VIDEO : ટોલ પ્લાઝા પર આર્મી જવાનને થાંભલા સાથે બાંધીને ઢોરમાર માર્યો, કારણ જાણીને કમકમી જશો

ઉત્તર પ્રદેશના મેરઠમાં ટોલ પ્લાઝાના કર્મચારીઓ દ્વારા એક આર્મી જવાન પર ક્રૂર હુમલો કરવામાં આવ્યો હતો, ત્યારબાદ તેમને થાંભલા સાથે બાંધીને માર મારવામાં આવ્યો હતો. આ જવાનની ઓળખ કપિલ કાવડ તરીકે થઈ છે, જેઓ શ્રીનગરમાં ફરજ પર પાછા ફરવા માટે પોતાના પિતરાઈ ભાઈ સાથે દિલ્હી એરપોર્ટ જઈ રહ્યાં હતા.

શું હતું ઝગડાનું કારણ

ટોલ પ્લાઝા પર વાહનોની લાંબી લાઇન હતી અને કપિલ ઉતાવળમાં હતો અને તેણે ટોલ કર્મચારીઓને વિનંતી કરી હતી કે તે તેને બીજા કરતા વહેલો જવા દે કારણ કે તેને દિલ્હીથી શ્રીનગર પહોંચવાનું હતું પરંતુ ટોલ કર્મચારીઓ લાઈન પ્રમાણે જવા દેવા પર અડગ રહ્યાં આ જોઈને જવાન પિત્તો ગુમાવ્યો અને પછી ઝગડો થયો હતો આ પછી ચાર કર્મચારીઓએ જવાનને થાંભલા સાથે બાંધી દીધો અને ઢોરમાર માર્યો હતો.

વધુ વાંચો : આબરુની 'વોશ'રુમ! સુરતની જાણીતી રેસ્ટોરન્ટના લેડીઝ વોશરુમમાં મળ્યો ગુપ્ત કેમેરો, 'પોર્ન શોખીન' ઝડપાયો

ચાર લોકોની ધરપકડ

મેરઠ પોલીસના જણાવ્યા અનુસાર, આ ઘટના મેરઠ-કરનાલ હાઇવે પર ભુની ટોલ પ્લાઝા પર બની હતી. સોશિયલ મીડિયા પર વાયરલ થયેલા ફૂટેજમાં ઘણા ટોલ કર્મચારીઓ કાવડને માર મારતા અને તેને થાંભલા સાથે બાંધતા જોવા મળ્યા હતા. પોલીસના જણાવ્યા અનુસાર, આ મામલે ઓછામાં ઓછા ચાર લોકોની ધરપકડ કરવામાં આવી છે, જ્યારે તપાસના ભાગ રૂપે ટોલ પ્લાઝાના સીસીટીવી ફૂટેજની સમીક્ષા કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ